UEFA Çempionlar ligasynyň täze möwsüminiň 3-nji saýlama tapgyrynyň 1-nji duşuşyklary oýnaldy. Ildeşimiz Ruslan Mingazowyň çykyş edýän “Slawiýa” topary öz meýdançasynda BATE-ni 1–0 hasabynda utdy. Çeh toparyna ýeňiş gazandyran ýeke-täk goly 20-nji minutda penaltiden Milan Şkoda derwezä girizdi. Ruslan Mingazow 75-nji minutda meýdança çykdy. Şeýle-de gazak topary “Astana” öz meýdançasynda Polşanyň “Legiasyny” 3–1 hasabynda ýeňmegi başardy. Astanalylaryň gollaryny Kabananga, Maýewski hem-de Tuwmasi geçirdi. Grekleriň “Olimpiakosy” myhmançylykda “Partizany” 3–1 hasabynda utup, pleý-off tapgyryna çykmaga uly mümkinçilik gazandy. 3-nji saýlama tapgyrynyň iň köp ünsi çeken oýnunda “Nissa” bilen “Aýaks” 1–1 hasabynda deňme-deň oýnady (Balotelli 32 — Wan de Beek 49). Russiýanyň SSKA-sy myhmançylykda Gresiýanyň AEK toparyndan 2–0 hasabynda üstün çykyp, indiki tapgyryň bosagasyndan ilkinji ädimini ätdi. Tapgyryň iň golly duşuşygynda “Klub Brýugge” bilen “Istanbul Başakşehir” 3–3 hasabynda deňme-deň oýnady. 3-nji saýlama tapgyrynyň jogap duşuşyklary 1–2-nji awgustda oýnalar.
“Slawiýa” (Çehiýa)–BATE (Belarus): 1–0
“Astana” (Gazagystan)–“Legia” (Polşa): 3–1
AEK (Gresiýa)–SSKA (Russiýa): 0–2
“Maribor” (Sloweniýa)–FH (Islandiýa): 1–0
“Wardar” (Makedoniýa)–“Kopengagen” (Daniýa): 1–0
“Seltik” (Şotlandiýa)–“Rosenborg” (Norwegiýa): 0–0
“Hapoel B.” (Ysraýyl)–“Ludogores” (Bolgariýa): 2–0
“Wiitorul” (Rumyniýa)–APOEL (Kipr): 1–0
“RB Salsburg” (Awstriýa)–“Riýeka” (Horwatiýa): 1–1
“Garabag” (Azerbaýjan)–“Şeriff” (Moldowa): 0–0
“Partizan” (Serbiýa)–“Olimpiakos” (Gresiýa): 1–3
“Stýaua” (Rumyniýa)–“Wiktoriýa” (Çehiýa): 2–2
“Nissa” (Fransiýa)–“Aýaks” (Gollandiýa): 1–1
“Dinamo K.” (Ukraina)–“Ýang Boýz” (Şweýsariýa): 3–1
“K. Brýugge” (Belgiýa)–“Istanbul BŞ.” (Türkiýe): 3–3
