Italiýanyň çempionatynda “Napoli” öz meýdançasynda “Parma” bilen duşuşyp, 90-njy minutdan soň geçiren gollary esasynda ýeňşini baýram etdi. Duşuşykda “Parmaş” 19-njy minutda Boniniň penalti goly bilen öňe saýlandy. Oýnuň 90+2-nji minutynda täze transfer Romelu Lukaku hasaby deňlese, 90+6-njy minutda Anguissa neapollylara ýeňiş getiren oýunçy boldy.

Ilkinji 2 tapgyrda 1 utuk toplan “Milan” myhmançylykda “Lasio” bilen duşuşyp, 2-2 hasabynda deňme-deň oýnady we ýene-de ýeňiş gazanyp bilmedi. Pawlowiçiň 8-nji minutdaky goly bilen öňe geçen “Milan” 2-nji ýarymda 4 minutda 2 gol geçirtdi. Şol bir tarapdan 2 goýberen “Milanyň” derwezesinden gollary 62-nji minutda Kastelýanos, 66-njy minutda-da Dia derwezä girizdi. Oýnuň soňky minutlarynda meýdança giren Rafael Leao bolsa 72-nji minutda hasaby deňläp, “Milany” ýeňlişden halas etdi. “Milan” ilkinji 3 duşuşykda 2-nji gezek deňme-deň oýnap, olaryň entek ýeňşi ýok.

“Serie A”-da 3-nji tapgyrda soňky çempion Inter öz meýdançasynda “Atalantany” 4-0 hasabynda ýeňipdi. Gollary Džimsiti (3 ö.d.), Barella (10) hem-de Markus Turam (47, 56) geçirdi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА