PDF
Portugaliýanyň çempionaty “Primeira Liganyň” 92-nji möwsümine şu gijeki “Kaza Pia” bilen soňky çempiony “Sportingiň” arasyndaky duşuşyk bilen badalga berler. Ýewropada öňdäki 10-luga girýän çempionatlaryň biri bolan Portugaliýanyň ligasynda çempionat esaslandyrylanyndan bäri esasy 3 topar – Lissabonyň “Sporting” hem-de “Benfika” klublary, şol sanda “Porto” topary çempionlygyň esasy dalaşgärleri hasaplanýar.
Çempionatda 18 klub bolup, olaryň 4-sinden galanynyň tälimçisi ýerli hünärmenlerdir. Italiýaly Françesko Farioli (“Porto”), gresiýaly Sotris Silaidulos (“Rio Awe”), ispaniýaly Karlos Wisens (Braga), şotlandiýaly Iýn Katro (“Eştoril”) daşary ýurtly tälimçilerdir.
18 klubuň 6-sy – “Alwerka”, “Eştoril”, “Eştrela”, “Benfika”, “Kaza Pia”, “Sporting” toparlary Lissabon okrugyna degişli bolup, olaryň soňky 3-si paýtagt şäheriniň wekilleridir. 5 klub – “Braga”, “Famalikao”, Žil Wisente”, “Moreirense”, “Witoriýa” toparlary Braga okrugynyň, 3 klub – “Porto”, AWS, “Rio Awe” toparlary-da Porto okrugynyň adyndan çykyş ederler.
“Farense” bilen federasiýa tarapyndan aşaky liga düşürilen “Boawişta” klublarynyň ornuna “Tondela” bilen “Alwerka” ýokary liga çykdy.
SPORTING. Soňky çempion “Sportingiň” iň esasy ýitgisi ýyldyz hüjümçisi Wiktor Gýokereş bolup, ol Arsenal toparynyň düzümine goşuldy. Topar ýene bir oýunçysyny, Dario Essugo-da “Çelsi” klubuna ugratdy. Soňky 2 ýylyň çempiony düzümine Luis Suares, Koçoraşwili, Santos, Rui Silwa ýaly oýunçylary goşdy. Rui Boržeşiň tälimçiligindäki topar bassyr 3-nji, umumylykda 22-nji çempionlygy üçin göreşer.
BENFIKA. Yzly-yzyna 2 möwsümde çempionaty “Sportingden” soň 2-nji orunda tamamlan “Benfika” toparynyň Di Mariýa, Aktürkoglu, Kökçü, Karreras, Kabral ýaly oýunçylary başga klublara transfer boldy. Olaryň öwezine Samuel Dal, Obrador, Dediç, Barreneçea, Rio, Iwanowiç ýaly oýunçylary transfer eden paýtagtlylar çempionlygy bu gezek aldyrmazlyk üçin göreşerler. Bruma, Pawlidis, Otamendi ýaly oýunçylaryna bil baglaýan Bruno Lageniň şägirtleri Çempionlar Ligasyna-da gatnaşmagy maksat edinýär.
PORTO. Soňky 2 möwsümi esasy bäsdeşlerinden yza galan “Porto” klubunda toparyň tälimçiligi italiýaly ýaş hünärmen Françesko Fariolä ynanyldy. Gonsalu Boržeş, Otawio, Žoao Mario, Konseýsau ýaly oýunçylaryny topardan ugradan klub 3 möwsümden bäri çempionlyk gazanyp bilenok. Topar dowam edýän transfer möwsüminde Weiga, Saýns, Froholdt, Koşta, Bednarek, Luuk de Ýong ýaly oýunçylary düzümine goşdy.
PRIMEIRA LIGA 2025/26 MÖWSÜMINIŇ TOPARLARY
KLUBLAR |
ŞÄHERI |
STADIONY-TOMAŞAÇY |
TÄLIMÇI |
Alwerka |
Alwerca-du-Ribatežu |
Complexo Desportivo FC Alverca - 7 705 |
Kustodio Kastro |
Aroka |
Aroka |
Estadio Municipal de Arouca - 5 600 |
Wasko Seabra |
AWS |
Wila-daş-Awiş |
Estadio do CD Aves - 6 230 |
Žoze Mota |
Benfika |
Lissabon |
Estadio da Luz - 68 100 |
Bruno Lage |
Braga |
Braga |
Estadio Municipal de Braga - 30 286 |
Karlos Wisens (Ispaniýa) |
Kaza Pia |
Lissabon |
Estadio Municipal de Rio Maior - 7 000 |
Žoao Pereira |
Eştoril |
Eştoril |
Estadio Antonio Coimbra da Mota - 5 094 |
Iýn Katro (Şotlandiýa) |
Eştrela |
Amadora |
Estadio Jose Gomes - 9 288 |
Žoze Augusto Fariýa |
Famalikao |
Wila-Nowa-de-Famalikao |
Estádio Municipal 22 de Junho - 5 186 |
Hugo Oliweira |
Žil Wisente |
Barseluş |
Estadio Cidade de Barcelos - 12 046 |
Sezar Peişoto |
Moreirense |
Moreira-de-Koneguş |
Estadio Parque Moreira de Conegos - 6 150 |
Wasko Botelo da Kosta |
Nasional |
Funşal |
Estadio da Madeira - 5 200 |
Tiago Margarido |
Porto |
Porto |
Estadio do Dragao - 50 033 |
Françesko Farioli (Italiýa) |
Rio Awe |
Wila-du-Kondi |
Estadio dos Arcos - 5 300 |
Sotris Silaidulos (Gresiýa) |
Santa-Klara |
Ponta-Delgada |
Estadio de Sao Miguel - 12 500 |
Wasko Matos |
Sporting |
Lissabon |
Estadio Jose Alvalade - 50 095 |
Rui Boržeş |
Tondela |
Tondela |
Estadio Joao Cardoso - 5 000 |
Luis Pinto |
Witoriýa |
Gimaraýnş |
Estadio D. Afonso Henriques - 30 029 |
Luis Freire |
