Iňlis dili halkara aragatnaşygynda ulanylýan esasy dilleriň biri bolmagynda galýar, ýöne onuň ýörgünlililigi ilkinji nobatda ony köp adamyň doglan gününden gürläp däl-de, daşary ýurt dili hökmünde öwrenmegi bilen baglanyşyklydyr. Iňlis dilinde gürleýänleriň umumy sany 1,5 milliard adamdan geçýär, ýöne iňlis dili olaryň diňe dörtden biriniň ene dilidir. Bu barada dünýä dilleri boýunça abraýly maglumat portaly «Ethnologue” habar berýär. Galanlary iňlis dilini söwda, bilim ýa-da güýmenje üçin öwrenýär.

Ikinji orunda 1,2 milliard adam gürleýän hytaý dili (putunhua) gelip, bu dili ene dili hökmünde ulanýanlaryň umumy sanynyň 84 göterimini emele getirýär. Bu, Hytaýyň ägirt uly ilatyny we hytaý diliniň daşary ýurtlarda ulanylyşynyň çäklidigini görkezýär.

Ispan dilinde-de şuňa meňzeş ýagdaýlar göze ilýär: ispança gürleýänleriň 558 millionynyň 87 göterimi bu dili öz watanynda, esasan hem, Latyn Amerikasynda we Ispaniýada öwrendi.

Şeýle hem 2025-nji ýylda has giň ýaýran dilleriň sanawynda Günorta Aziýanyň ilatynyň sanynyň artýandygyny görkezýän hindi (609 million) we bengal (284 million) dilleri bar. Bu sanlar Günorta Aziýada ilatyň artýandygyny hem görkezýär. Şol bir wagtyň özünde Pakistanda we Hindistanda 246 million adam urdu dilinde gürleýär. Sanawyň birinji onlugy şeýle tertipde gelýär:

Iňlis dili – 1,5 milliard, hytaý dili (putunhua) – 1,2 milliard, hindi dili – 609,1 million, ispan dili – 558,5, million, arap dili – 334,8 million, fransuz dili – 311,9 million, bengal dili – 284,3 million, portugal dili – 266,6 million, rus dili – 253,4 million, indoneziýa dili – 252,4 million. urdu dili – 246,0 million, nemes dili – 134,0 million, ýapon dili – 125,6 million, nigeriýanyň pijin dili – 120,7 million, müsüriň arap dili (masri) – 118,6 million, marathi dili – 99,3 million, Wýetnam dili – 97,0 million, telugu dili – 95,8 million, hausa dili – 94,4 million, türk dili – 91,3 million.

Gyzykly bolup bilerЕЩЕ ОТ АВТОРА