UEFA Ýewropa Ligasynda-da çärýekdir ýarym finalyň bijeleri çekildi. Çärýek finalda 2 italýan kluby “Milan” bilen “Roma” bije çekişdi. Ýaryşdaky 3-nji italýan kluby “Atalantanyň” bijesine-de esasy faworit “Liwerpul” düşdi. Çempionlar Ligasyndaky ýaly nemes we iňlis klublary-da Ýewropa Ligasynda-da bije çekişip, “Baýer” topary “West Ham” bilen ýarym finala çykmak üçin duşuşar. Çärýek finalyň soňky duşuşygynda-da “Benfika” bilen “Marsel” özara güýç synanyşar.
Çärýek finalyň duşuşyklary 11-nji hem-de 19-njy aprelde geçiriler.
Ýarym finalda-da “Atalanta” – “Liwerpul” duşuşygynyň ýeňijisi bilen “Benfika” – “Marsel” duşuşygynyň ýeňijisi, şeýle-de, “Milan” – “Roma” oýnunda ýeňiş gazanan topar bilen “Baýer” – “West Ham” duşuşygynda üstün çykan topar duşuşar.
Ýarym finalyň duşuşyklary 2-nji we 9-njy maýda oýnalar. Final duşuşygy bolsa 22-nji maýda Irlandiýanyň paýtagty Dublindäki “Awiwa” stadionynda geçiriler.
