Bü­tin­dün­ýä ban­ky­nyň do­lan­dy­ry­jy­lar ge­ňe­şi­niň 2016-njy ýy­lyň 7-nji iýu­lyn­da ge­çi­ril­jek mej­li­sin­de Tran­sa­na­do­ly gaz ge­çi­ri­ji­si (TA­NAP tas­la­ma­sy) üçin Tür­ki­ýe Res­pub­li­ka­sy­na 1 mil­liard dol­lar karz pul se­riş­de­si­ni ber­mek ba­bat­da ka­rar ka­bul edi­ler. Bu ba­ra­da hal­ka­ra ma­li­ýe eda­ra­sy­nyň res­mi in­ter­net saý­tyn­da ha­bar be­ril­ýär.
Tas­la­ma­ny dur­mu­şa ge­çir­mek üçin ze­rur bo­lan ma­li­ýe se­riş­de­si­niň ga­lan bö­le­gi­ni, ýag­ny 1,12 mil­liard dol­la­ry­ny Ýew­ro­pa­nyň ma­ýa go­ýum ban­kyn­dan al­mak göz öňün­de tu­tul­ýar. Karz se­riş­de­le­ri uzak möh­let­le­ýin esas­da be­ril­ýär.
TA­NAP tas­la­ma­sy­nyň kon­sor­siu­my­nyň ýol­baş­çy­sy Sal­tuk Düz­ýo­luň aýt­ma­gy­na gö­rä, tas­la­ma­nyň Tür­ki­ýe­den geç­ýän bö­le­gin­de köp iş­ler ama­la aşy­ryl­dy. 440 ki­lo­met­re uza­lyp gid­ýän gaz ge­çi­ri­ji­si bo­ýun­ça keb­şir­le­ýiş iş­le­ri ge­çi­ril­di. Gaz ge­çi­ri­ji­si­niň deň­ziň aşa­gyn­dan geç­ýän bö­le­gi üçin hal­ka­ra kom­pa­ni­ýa­la­ry bi­len de­giş­li yla­la­şyk­la­ra gol çe­kil­di.
TA­NAP tas­la­ma­syna laýyklykda, Azer­baý­ja­nyň te­bi­gy ga­zy­ny Tür­ki­ýä­niň gün­ba­tar ser­he­di­ne çen­li elt­mek göz öňün­de tu­tul­ýar. Tas­la­ma­nyň paý­dar­la­ry­nyň dü­zü­mi şeý­le: SOCAR 58 gö­te­rim, BO­TAŞ 30 gö­te­rim we BP 12 gö­te­rim.

Gyzykly bolup bilerЕЩЕ ОТ АВТОРА