AFK Çempionlar Ligasynda ýarym finalyň 1-njj duşuşyklary geçirildi. BAE-niň “Al-Ain” topary bilen Saud Arabystanynyň “Al Hilal” toparynyň arasyndaky duşuşykda ýer eýeleri ýeňiş gazandy. 4-2 hasabynda ýeňşini baýram eden Hernan Kresponyň şägirtleriniň gollarynyň 3-sini 2-si penaltiden Sufiane Rahimi geçirdi. Ol 6-njy, 26-njy (p) hem-de 38-nji (p) minutlarda tapawutlandy. “Al-Ain” toparynyň beýleki goluny-da 56-njy minutda Kaku penaltiden saldy. “Al Hilalyň” gollaryny Malkom (49) bilen Al-Dawsari (78) geçirdi. Şunlukda, “Al Hilal” toparynyň yzly-yzyna 34 oýundan bäri ýeňiş gazanyp gelýän rekordy tamamlandy. Soňky gezek sentýabr aýynda ýeňiş gazanyp bilmedik “Al Hilal” şondan bäri yzly-yzyna 34 duşuşykda ýeňiş gazanyp, dünýä rekoryny goýupdy.
Günorta Koreýanyň “Ulsan HD” topary bilen Ýaponiýanyň “Ýokohama F. Marinos” toparynyň arasyndaky oýunda ýer eýeleri 1-0 hasabynda ýeňiş gazandy. Ýeke-täk goly 19-njy minutda Li Don-gýeon geçirdi.
Jogap oýunlary 23-24-nji aprelde geçiriler.
