PDF
UEFA Ýewropa Ligasynda 1-nji tapgyrda “Ýuwentus” öz meýdançasynda Niderlandlaryň “NEK Niýmegen” toparyny 5-0 hasabynda ýeňlişe sezewar etdi. Gollaryň ählisini-de geçen möwsümde Ýuwentusda oýnamadyk oýunçylar geçirdi. Ýagny 9-njy minutda Niko Gonzales, 24-nji minutda Alaýbegowiç, 35-nji minutda penaltiden Woltemade, 75-nji minutda Zeki Çelik hem-de 82-nji minutda Kolo Muani öz atlaryna ýazdyrdylar.
Angliýanyň “Kristal Palas” topary öz meýdançasynda Polşanyň “Leh Poznan” toparyny Pinonyň, Riçardsyň, Strand Larseniň hem-de Nketiahyň gollary bilen 4-0 hasabynda ýeňdi.
Stambulda Türkiýäniň “Beşiktaş” topary Fransiýanyň “Marsel” toparyndan 4-1 hasabynda üstün çykdy. Türk klubunyň adyndan Fakyly (15), Çerni (56), Murillo (59) hem-de Poku (81) tapawutlanyp, “Marseliň” ýeke-täk goluny 30-njy minutda Abdallah geçirdi.
Belgiýanyň “Ýunion Sent-Žilluaz” topary myhmançylykda çehleriň “Wiktoriýa Plzen” toparynyň derwezesinden jogapsyz 3 gol girizdi. “Ferenswaroş” hem myhmançylykda “Seltik” toparyny 3-1 hasabynda utdy.
2-nji ligada çykyş edýän Portugaliýanyň Kubogynyň ýeňijisi “Torrense” Ýewrokuboklardaky ilkinji duşuşygynda myhmançylykda Norwegiýanyň “Lilleström” toparyny 2-1 hasabynda ýeňlişe sezewar etdi.
Ilkinji gezek UEFA-nyň ýaryşlaryna wekilçilik edýän “Bornmut” topary myhmançylykda “Real Sosiedady” Kluiwert hem-de Raýanyň gollary bilen 2-1 hasabynda ýeňdi.
Grekleriň OFI topary öz meýdançasynda “Hoffenhaýmy” 2-0, “RB Salsburg” myhmançylykda “Lewski Sofiýany” 1-0 hasabynda utdy.
