Bi­ler­men­le­riň ge­çi­ren bar­lag­la­ry­na gö­rä, dynç al­maz­dan we ara­kes­me et­mez­den uzak wagt­lap iş­le­me­giň dep­res­si­ýa hem-de do­wam­ly ke­sel­le­re se­bäp bol­ýan­dy­gy ýü­ze çy­ka­ryl­dy. Bi­ler­men­le­riň bel­le­me­gi­ne gö­rä, uzak wagt­lap iş­le­me­giň zy­ýan­ly ta­ra­py gi­je­si­ne hem zäh­met çek­mek bi­len bag­ly bo­lup, bu ýag­daý «ýet­gin­jek­lik döw­rü­niň me­ýil­na­ma­sy­na» ga­bat gel­ýär. Or­ta ýaş­ly­lar­da köp duş gel­ýän goş­ma­ça iş­ler wag­tyň geç­me­gi bi­len dart­gyn­ly ýag­daý­la­ra we sag­lygyň peselmegine se­bäp bol­ýar.
ABŞ-da ge­çi­ri­len bar­lag­lar­da 30 ýy­lyň do­wa­myn­da 7 müň­den gow­rak iş­çi­niň gün ter­ti­bi göz­den ge­çi­ril­di. Bar­la­ga gat­na­şan­la­ryň dör­dü­sin­den di­ňe bi­ri­niň gün­diz iş­le­ýän­di­gi we gi­je­si­ne dynç al­ýan­dy­gy anyk­lan­dy. Sy­na­ga gat­na­şy­jy­la­ryň dört­den üç bö­le­gi 22-50 ýaş ara­ly­gyn­da bo­lup, gi­je­si­ne hem iş­le­ýän­dik­le­ri­ni bel­le­ýär­ler. Ge­çi­ri­len söh­bet­deş­lik­ler­de iş­çi­ler gün­diz­ki iş ter­ti­bin­den soň gi­je­si­ne hem zäh­met çe­ken­dik­le­ri­ni aý­dyp, 50 ýa­şa ýe­ten­lerinde sag­lyk bi­len bag­ly ýaramaz ýag­daý­la­ra duçar bo­lan­dy­gy­ny bel­le­di­ler. Bar­la­ga gat­na­şy­jy­lar: «Uzak wagt­lap iş­le­mek sag­ly­gy­ňy pe­seld­ýär we ada­my gurpdan düşürýär» di­ýip, dy­nuw­syz zäh­met çek­me­giň go­wy en­dik däl­di­gi­ni aýt­dy­lar.
Ýaş­lyk ýyl­la­ryn­da ýa­daw­lyk­la­ryň du­ýul­ma­ýan­dy­gy­na ga­ra­maz­dan ýa­şyň bir çe­ne ba­ran­da do­wam­ly he­re­ket­ler we uku­syz gi­je­ler top­la­nyp, nerw bo­zul­ma­la­ry­na, ýü­rek-da­mar ul­ga­myn­da­ky ýet­mez­çi­lik­le­re, süý­ji ke­se­li­ne, se­miz­lige we uky bo­zul­ma­la­ry ýa­ly ýag­daý­la­ra se­bäp bol­ýar. Şeý­le-de, gi­je­si­ne iş­le­mek gün­diz­ki işiň hi­li­ne hem öz tä­si­ri­ni ýe­tir­ýär. Ýag­ny öň ýe­ňil­lik bi­len ýe­ri­ne ýe­tir­ýän we şow­ly ne­ti­je ga­zan­ýan pi­şä­miz soň­lu­gy bi­len kyn­la­şyp baş­la­ýar. Zäh­met kar­ýe­ra­syn­da kä­mil­leşilmän we ösüş ga­za­nyl­man, çök­gün­lik­ler eme­le gel­ýär. Ne­ti­je­de, ed­ýän işi­miz­den – saý­lan kä­ri­miz­den so­wa­şyp başlaýarys hem-de dart­gyn­ly ýag­daý­lar we nerw bo­zul­ma­la­ry ýü­ze çy­kyp ug­ra­ýar.
Bi­ler­men­ler uzak wagtlap iş­le­me­giň sag­lyk üçin zy­ýan­ly­dy­gy­ny bel­läp, gün ter­ti­bi­ne gö­rä he­re­ket et­me­gi, wagt­ly-wag­tyn­da iýip-iç­me­gi we dynç al­ma­gy mas­la­hat ber­ýär­ler. Ada­myň sag­dyn bol­ma­gy üçin, esa­san hem, ýe­ter­lik we ka­da­ly uky ze­rur. Şol se­bäp­li ag­şa­my­na teh­no­lo­gik en­jam­lar­dan, umu­man iş ota­gyn­dan uzak­la­şyp, ta­la­ba­la­ýyk dynç al­ma­gy en­dik et­me­li.

Gyzykly bolup bilerЕЩЕ ОТ АВТОРА