Polşanyň çempionaty “Ekstraklasa”-da bassyr 2-nji möwsüm täze çempion peýda boldy. Belostok şäheriniň “Ýagelloniýa” topary 104 ýyllyk taryhynda ilkinji çempionlygyny baýram etdi. Soňky tapgyrda “Warta” toparyny 3-0 ýeňen “Ýagelloniýa” kluby Wroslaw şäheriniň “Şlýonsk kluby bilen deň utuk toplasa-da, ikiçäk oýunlarda öňe saýlanmagy başardy. “Ýagelloniýa” topary “Şlýonskdan” myhmançylykda 2-1 utulsa-da, öz meýdançasynda 3-1 ýeňipdi. Şunlukda, 34 oýunda 63 utuk toplan “Ýagelloniýa” topary Polşanyň çempionatynda ilkinji gezek çempion diýen ady eýeledi. 2007/08 möwsüminden bäri ýokary ligada yzygiderli çykyş edip gelýän “Ýagelloniýa” topary 2017/18 we 2018/19 möwsümlerinde 2-nji ýeri eýeläpdi.
Polşanyň çempionatynda soňky 6 ýylda 3-nji gezek bir topar ilkinji çempionlygyny gazandy. 2018/19 möwsüminde “Piast Gliwise” topary, geçen möwsümde-de “Rakuw Çenstohowy” kluby ilkinji çempionlygyny gazanypdy.
