Ýur­du­myz­da da­şa­ry sy­ýa­sat ug­ry pa­ra­hat­çy­lyk sö­ýü­ji­lik hem-de «Açyk ga­py­lar» sy­ýa­sa­ty esa­syn­da al­nyp ba­ryl­ýar. Şol ug­ra gö­nük­di­ri­len da­şa­ry sy­ýa­sat­da dün­ýä döw­let­le­ri, hal­ka­ra we se­bit gu­ra­ma­la­ry bi­len öza­ra bäh­bit­li­lik, deň­hu­kuk­ly­lyk hem-de bi­rek-bi­re­ge hor­mat goý­mak ýö­rel­ge­le­ri esa­syn­da gat­na­şyk­lar iş­jeň ös­dü­ril­ýär.
Ýur­du­my­zyň iş­jeň hyz­mat­daş­lyk ed­ýän gu­ra­ma­la­ry­nyň bi­ri hem Ga­raş­syz Döw­let­le­riň Ar­ka­la­şy­gy gu­ra­ma­sy­dyr. He­mi­şe­lik Bi­ta­rap­lyk hu­kuk ýag­da­ýy­na la­ýyk­lyk­da, Ga­raş­syz Döw­let­le­riň Ar­ka­la­şy­gy­nyň as­so­sir­le­nen ag­za­sy bo­lup dur­ýan Türk­me­nis­tan GDA-nyň çäk­le­rin­de sy­ýa­sy, söw­da-yk­dy­sa­dy hem-de me­de­ni-ynsa­n­per­wer gat­na­şyk­la­ryň ös­dü­ril­me­gi­ne sal­dam­ly go­şant goş­ýar. Türk­me­nis­tan GDA döw­let­le­ri bi­len iki­ta­rap­la­ýyn we köp­ta­rap­la­ýyn gör­nüş­dä­ki stra­te­gik hyz­mat­daş­ly­gy iş­jeň ös­dür­ýär. Ýur­du­myz gu­ra­ma­nyň çäk­le­rin­dä­ki sam­mit­le­re hem-de iri hal­ka­ra mas­la­hat­lar­dyr mej­lis­le­re, şol bir wagt­da bu gu­ra­ma­nyň iri hal­ka­ra çä­re­le­ri­ne gat­naş­ýar.
Mä­lim bol­şy ýa­ly, şu ýy­lyň 24-nji ma­ýyn­da Aş­ga­bat­da Ga­raş­syz Döw­let­le­riň Ar­ka­la­şy­gy­na ag­za döw­let­le­riň hö­kü­met Baş­tu­tan­la­ry­nyň ge­ňe­şi­niň mej­li­si ge­çi­ril­di. Bu iri ýo­ka­ry de­re­je­dä­ki sam­mi­te gat­naş­mak üçin ýur­du­my­za Azer­baý­jan Res­pub­li­ka­syn­dan, Be­la­rus Res­pub­li­ka­syn­dan, Er­me­nis­tan Res­pub­li­ka­syn­dan, Ga­za­gys­tan Res­pub­li­ka­syn­dan, Gyr­gyz Res­pub­li­ka­syn­dan, Tä­ji­gis­tan Res­pub­li­ka­syn­dan, Öz­be­gis­tan Res­pub­li­ka­syn­dan we­kil­çi­lik­li to­par­lar ýur­du­my­za gel­di­ler.
Mej­li­siň do­wa­myn­da ener­ge­ti­ka we ulag ul­ga­myn­da­ky öza­ra bäh­bit­li hyz­mat­daş­ly­gyň gel­jek­ki ugur­la­ry bo­ýun­ça pi­kir al­şyl­dy.
Mej­li­siň jem­le­ri bo­ýun­ça bir­nä­çe res­mi­na­ma, şol san­da Aş­ga­bat şä­he­ri­ni «Ar­ka­la­şy­gyň tä­ze sport müm­kin­çi­lik­le­ri­niň şä­he­ri» di­ýip yg­lan et­mek ha­kyn­da­ky Çöz­gü­de gol çe­kil­di.
Türk­me­nis­tan GDA-nyň dö­re­dil­me­gin­de uly orun eýe­län ýurt­la­ryň bi­ri­dir. Beý­le­ki döw­let­ler bi­len bir­lik­de, 1991-nji ýy­lyň 21-nji de­kab­ryn­da GDA-nyň ag­za­la­ry­nyň içe­ri hem-de da­şa­ry sy­ýa­sat­la­ry­nyň dür­li ul­gam­la­ryn­da deň­hu­kuk­ly hyz­mat­daş­ly­ga yg­rar­ly­dyk­la­ry­ny tas­syk­lan Ga­raş­syz Döw­let­le­riň Ar­ka­la­şy­gy­nyň dö­re­dil­me­gi ba­ra­da­ky Yla­la­şy­gyň Tes­wir­na­ma­sy­na Türk­me­nis­tan ta­ra­pyn­dan hem gol çe­kil­di. 2005-nji ýy­lyň 26-njy aw­gus­tyn­da Ka­zanda ge­çi­ri­len sam­mit­de GDA döw­let­le­ri­niň Baş­tu­tan­la­ry ha­ky­ky dost­luk hem-de hyz­mat­daş­lyk ru­hun­da Türk­me­nis­ta­nyň Ar­ka­la­şy­ga gat­na­şy­gy­nyň as­so­sir­le­nen ag­za hök­mün­de do­wam et­dir­jek­di­gi ba­ra­da­ky be­ýan­na­ma­ny ka­bul et­di­ler.
Şol dö­wür­den bä­ri Türk­me­nis­tan soň­ky ýyl­la­ryň do­wa­myn­da GDA bo­ýun­ça hyz­mat­daş­la­ry bi­len bi­le­lik­de köp san­ly iri mak­sat­ly tas­la­ma­la­ry dur­mu­şa ge­çir­di. Ener­ge­ti­ka, ulag, ara­gat­na­şyk we kom­mu­ni­ka­si­ýa ýa­ly köp san­ly ugur­lar­da hyz­mat­daş­lyk tas­la­ma­la­ry dur­mu­şa or­naş­dy­ryl­ýar. Türk­me­nis­tan bi­len Ga­raş­syz Döw­let­le­riň Ar­ka­la­şy­gy­nyň ara­syn­da­ky da­şa­ry söw­da do­la­ny­şy­gy­nyň 2023-nji ýy­lyň ýan­war-okt­ýabr aý­la­ryn­da 2 mil­liard 600 mil­lio­n, Türk­me­nis­ta­nyň da­şa­ry söw­da do­la­ny­şy­gy­nyň 16,5 gö­te­ri­m bo­lan­dy­gy­ny aý­ra­tyn bel­le­mek bo­lar. Ýur­du­myz Ha­zar-Ga­ra deň­zi­niň ug­ry we Azi­ýa-Ýu­waş um­man se­bi­ti, Aý­lag we Ýa­kyn Gün­do­gar ýurt­la­ry bi­len lo­gis­ti­ka müm­kin­çi­lik­le­ri­niň we ulag ara­gat­na­şy­gy­nyň ýo­kar­lan­ma­gy­na uly üns ber­ýär we GDA döw­let­le­ri­ni hem ulag hyz­mat­daş­ly­gy­na iş­jeň çek­mek ug­run­da giň ta­gal­la­lar ed­ýär.
Bu gu­ra­ma baş­lyk­lyk hem eden ýur­du­my­zyň baş­lan­gy­jy bo­ýun­ça iş­le­nip taý­ýar­la­ny­lan Ar­ka­la­şy­ga gat­na­şy­jy döw­let­le­riň stra­te­gik yk­dy­sa­dy hyz­mat­daş­ly­gy ha­kyn­da Jar­na­ma dur­muş-yk­dy­sa­dy hyz­mat­daş­ly­gyň öze­ni­ni düz­di.
Şeý­le­lik­de, Türk­me­nis­ta­nyň Ga­raş­syz Döw­let­le­riň Ar­ka­la­şy­gy­nyň gi­ňiş­li­gin­de iş­jeň hyz­mat­daş­lyk alyp bar­ma­gy ýur­du­my­zyň be­lent hal­ka­ra ab­ra­ýy­nyň dün­ýä­de yk­rar edil­ýän­di­gi­niň hem-de onuň da­şa­ry-sy­ýa­sy stra­te­gi­ýa­sy­nyň giň gol­da­wa eýe bol­ýan­dy­gy­nyň no­bat­da­ky su­but­na­ma­sy­dyr.

Döw­let­my­rat NY­ÝAZ­BER­DI­ÝEW,
Türkmen döwlet binagärlik-gurluşyk institutynyň talyby.

Gyzykly bolup bilerЕЩЕ ОТ АВТОРА