Koreýa Respublikasy Ýeriň hemrasyny we Gyzyl planetany öwrenmek maksady bilen halkara taslamalaryna işjeň gatnaşýar we bu ugurlarda öz başlangyçlaryny ösdürýär. Ýurt 2032-nji ýyla çenli Aýa we 2045-nji ýyla çenli Marsa öz enjamlaryny ugratmaga gönükdirilen giň kosmos maksatnamasyny yglan etdi.
Koreýa Respublikasynyň Prezidenti Ýun Sok Ýoluň sözlerine görä, ýurt ýakyn onýyllyklaryň dowamynda Marsa we Aýa kosmonawtlary ibermekçi. Bu we beýleki kosmos başlangyçlaryny maliýeleşdirmek üçin býujetden, takmynan, 70 milliard dollar bölüp bermek meýilleşdirilýär.
Maksatnama NASA-nyň öňki işgäri Jon Li tarapyndan ýolbaşçylyk edilýän Koreýa aerokosmos agentligi (KASA) tarapyndan amala aşyrylýar. Maksatnamanyň çäginde, Koreýa NASA-nyň 2026-njy ýyla çenli astronawtlary Aýa ugratmagy maksat edinýän “Artemis-3” missiýasyna işjeň gatnaşmagy meýilleşdirýär. Mundan başga-da, 2032-nji ýyldan gijä galman CASA öz enjamyny ulanyp, Aý gözleg taslamasyny durmuşa geçirmegi meýilleşdirilýär. Koreýaly kosmonawtlar 2045-nji ýylda Marsa gonmak isleýärler.
Uly meýilnamalary durmuşa geçirmek üçin Koreýa Respublikasy diňe döwletiň maliýe çeşmelerini däl, eýsem, hususy çeşmelerini hem özüne çekýär. Aý zonduny we täze uçuş ulaglaryny döretmek taslamalary “Hanwha Aerospace” we “Perigee Aerospace” bilen bilelikde amala aşyrylar.
