De­ňiz ke­na­ry­nyň we de­ňiz su­wu­nyň be­je­ri­ji­lik hä­si­ýe­ti ir­ki ýyl­lar­dan bä­ri köp­çü­li­ge bel­li­dir. Ýy­lyň äh­li möw­sü­min­de, esa­san hem, to­mus pas­lyn­da de­ňiz ke­nar­la­ry köp adam­ly bol­ýar. De­ňiz ke­na­ryn­da ýö­re­mek, sport bi­len meş­gul­lan­mak we dynç al­mak, şeý­le hem su­wa düş­mek sag­lyk üçin el­ýet­mez be­jer­gi­ler ha­sap­lan­ýar. Tol­kun­la­ryň se­si­ne diň sal­mak, çüý­şe ýa­ly göm-gök gö­zel­li­gi syn­la­mak we deň­ziň ho­wa­syn­dan dem al­mak ada­ma gaý­ta­lan­ma­jak lez­zet ber­ýär.
De­ňiz su­wu­nyň peý­da­ly­dy­gy­ny hem­me­ler bil­ýär. Kos­me­ti­ka we der­man se­na­ga­tyn­da de­ňiz su­wy iş­jeň peý­da­la­nyl­ýar. De­ňiz su­wun­da­ky peý­da­ly mi­ne­ral­lar we mag­niý de­ri­niň ju­wan gö­rün­me­gi­ni üp­jün ed­ýär.
De­ri ke­sel­le­rin­de, kä­bir ýa­ra­la­ry gu­rat­mak­da de­ňiz su­wu­nyň peý­da­sy has ulu­dyr.
De­ňiz su­wun­da­ky mag­niý, brom we li­tiý mad­da­la­ry stres hem-de nerw bo­zul­ma­la­ry­ny be­jer­mä­ge ýar­dam ed­ýär. Bu mad­da­lar beý­ni­dä­ki me­la­to­ni­niň we se­ro­to­ni­niň de­re­je­si­ni deň­leş­dir­ýär.
Deň­ziň şor su­wy go­ňak­la­ma­nyň öňü­ni alyp, sa­çyň ýal­pyl­da­wuk gö­rün­me­gi­ni üp­jün ed­ýär.
De­ňiz su­wun­da sak­lan­ýan ýod im­mu­ni­te­ti güýç­len­dir­ýär. Şeý­le hem şor suw de­ri öý­jük­le­ri­ni aras­sa­lap, al­ler­gi­ki ke­sel­le­ri be­jer­mä­ge ýar­dam ed­ýär. An­ti­sep­tik hä­si­ýe­ti bo­lan de­ňiz su­wy ýo­kanç­lyk­la­ra gar­şy gö­re­şip, be­de­niň mik­rob­la­ra, bak­te­ri­ýa­la­ra we kö­me­le­jik­le­re gar­şy du­ru­jy­ly­gy­ny ýo­kar­lan­dyr­ýar.
De­ňiz­de ýü­zül­ýän wag­ty elekt­ro­mag­nit ener­gi­ýa meý­da­ny­nyň tä­si­ri ne­ti­je­sin­de öý­jük­ler tä­ze­len­ýär. Şeý­le hem deň­ziň ke­nar­ýa­ka ho­wa­sy gan aý­la­ny­şy­ny ka­da­laş­dy­ryp, ga­ny we do­ku­ma­la­ry aras­sa­la­ma­ga ýar­dam ed­ýär.
De­ňiz su­wy dem alyş ýo­ly üçin hem peý­da­ly bo­lup, dem­gys­ma­ny we üs­gü­le­wü­gi be­jer­me­giň iň go­wy usu­ly ha­sap­lan­ýar.
De­ňiz­de ýüz­mek öý­ke­niň kuw­wa­ty­ny güýç­len­dir­ýän iň mö­hüm fi­zi­ki be­jer­gi­le­riň bi­ri­dir.
Ke­nar­ýa­ka­da aýak­ýa­la­ňaç gez­mek nerw da­mar­la­ry­ny kö­şeş­di­rip, gu­ra­gy­ry ala­mat­la­ry­ny aýyr­ýar.

Ýüz­me­giň peý­da­sy:
Ýüz­mek myş­sa­la­ry güýç­len­di­rip, süňk­le­ri we bo­gun­la­ry berkidýär.
Ýüz­mek ar­tyk­maç ýa­gy ýak­ma­ga kö­mek edip, süý­ji ke­se­li­niň ýü­ze çyk­mak how­pu­ny azald­ýar.
Ýü­zü­len­de be­de­niň çe­ýe­li­gi ar­typ, bil-oňur­ga süňk­leri we bo­gun­lar ýa­zyl­ýar.
Bi­ler­men­ler hor­lan­mak is­le­ýän adam­la­ra ýüz­me­gi mas­la­hat ber­ýär­ler. Adam ýü­zen­de ka­lo­ri­ýa­ny has çalt ýak­ýar.
Ýüz­mek be­den­de top­la­nan ar­tyk­maç mad­da­lar­dan sap­lan­ma­ga, şeý­le hem dem alyş ýo­ly bi­len bag­ly tö­wek­gel­çi­lik­le­ri ara­dan aýyr­ma­ga ýar­dam ed­ýär.
Ýüz­mek gan ba­sy­şy­ny ka­da­laş­dy­ryp, ýü­rek-da­mar ulgamyny go­ra­ýar.
Ýüz­mek stre­si azaldyp, özü­ňi has ra­hat duý­ma­ga kö­mek ed­ýär.

Gyzykly bolup bilerЕЩЕ ОТ АВТОРА