UEFA Çempionlar Ligasynyň final tapgyryna gatnaşjak 3 topar belli boldy. 1-nji oýunda ýeňiş gazanan klublaryň 3-si jogap oýunlarynda-da üstünlikli çykyş edip, ýaryşy dowam ederler.
Bir hepde öň Şweýsariýada “Ýang Boýzdan” 3-2 hasabynda utulan “Galatasaraý” Stambulda-da garşydaşyndan asgyn geldi. 1-0 hasabynda utulan türk klubunyň derwezesinden ýeke-täk goly 87-nji minutda Wirjinius geçirdi. Şol pursatda “Galatasaraýyň” derwezeçisi Muslera gyzyl kart aldy. “Galatasaraý” ýoluny Ýewropa Ligasyndan dowam etdirer. Şweýsar kluby yzly-yzyna 2-nji, umumylykda-da 4-nji sapar bu ýaryşyň final tapgyryna adyny ýazdyrdy. Şunlukda, ýaryşda bu möwsüm türk kluby çykyş etmez.
Myhmançylykda 2-0 hasabynda ýeňiş gazanan “Red Bull Salsburg” topary Awstriýada Kiýewiň “Dinamosy” bilen deňme-deň oýnady. 1-1 hasabynda deňlikde tamamlanan duşuşykda ýer eýelerinden Dagim 12-nji minutda, kiýewlilerden bolsa Wanat 29-njy minutda tapawutlandy. “Red Bull” bassyr 6-njy, umumylykda 7-nji gezek gatnaşýar.
