UEFA Çempionlar Ligasynyň pleý-off tapgyry Çehiýanyň paýtagty Praganyň “Sparta” topary üçin taryhy ýeňiş bilen tamamlandy. Mundan bir hepde ozal Şwesiýanyň “Malmö” toparyny myhmançylykda 2-0 hasabynda ýeňen “Sparta” şol hasap bilen Pragada hem ýeňiş gazandy. Çeh toparyna ýeňiş getiren gollary soňky 10 minutda Haraslin (80 p) bilen Rrahmani (83) geçirdi. Şunlukda, “Sparta Praga” topary 19 ýyldan soň UEFA Çempionlar Ligasynyň final tapgyryna gatnaşmaga hukuk gazandy. “Sparta Praga” soňky gezek 2005/06 möwsüminde çykyş edipdi. Olar 8-nji gezek wekilçilik ederler.
