Şu ýylyň 20-nji okt­ýabryn­da Ow­ga­nys­tan­da par­la­ment we se­bit saý­law­la­ry ge­çi­ri­ler. Bu ba­ra­da ýur­duň Ga­raş­syz saý­law geňeşiniň baş­ly­gy Gul Jan Ba­di Sa­ýad ha­bar ber­di. Mun­dan ozal­ky par­la­ment saý­law­la­ry 2010-njy ýyl­da ge­çirilipdi. No­bat­da­ky ses ber­li­şik 2016-njy ýy­lyň okt­ýab­ry­na bel­le­nip­di, ýö­ne saý­law­la­ryň wag­ty üýt­ge­di­lip­di.

“Bah­ra­in News Agency” agentliginiň ha­bar ber­me­gi­ne gö­rä, Bah­reýn­de soň­ky ýy­llaryň iň uly ne­bit-gaz ýa­ta­gy ta­pyl­dy. Bu ýa­tak gor­la­ry bo­ýun­ça hä­zir­ki he­re­ket ed­ýän ne­bit ýa­tak­la­ryn­dan bir­nä­çe es­se ulu­dyr. Tä­ze ýa­tak Bah­reýn­de 1932-nji ýyl­da ýü­ze çy­ka­ry­lan ýa­tak­dan soň, iň irisidir.

Kos­ta-Ri­ka­nyň Pre­zi­dent saý­law­la­ry­nyň ikin­ji tap­gy­ryn­da Kar­los Al­wa­ra­do Ke­sa­da öň­de­li­gi eýe­le­di. Ýo­ka­ry saý­law ka­zy­ýe­ti­niň mag­lu­mat­la­ry­na gö­rä, býul­le­ten­le­riň 100 gö­te­ri­me golaýy sa­na­lan­dan soň­ra, “Ra­ýat he­re­ke­ti” par­ti­ýa­syn­dan da­laş­gär, ozal­ky mi­nistr Kar­los Al­wa­ra­do ses­le­riň 60,66 gö­te­ri­mi­ni eýe­le­di. Onuň bäs­de­şi ýe­wen­ga­list­le­riň de­pu­ta­ty Fab­ri­sio Al­wa­ra­do Mu­nos bol­sa, 39,34 gö­te­rim ses al­dy. Kos­ta-Ri­ka­nyň Pre­zi­den­ti her dört ýyl­dan saý­lan­ýar. Döw­le­tiň tä­ze ýol­baş­çy­sy 8-nji maý­da we­zi­pe­si­ne gi­ri­şer. Kos­ta-Ri­ka­nyň Pre­zi­dent saý­law­la­ryn­da 3,3 mil­li­on tö­we­re­gi saý­law­çy ses be­rip, gat­na­şyk 67 gö­te­rime deň boldy.

Azer­baý­ja­nyň mer­ke­zi saý­law geňeşi 11-nji ap­rel­de ge­çi­ril­jek Pre­zi­dent saý­law­la­ry­na 603 sa­ny hal­ka­ra syn­çy­nyň bel­li­ge al­nan­dy­gyny mä­lim et­di. Saý­law­la­ra hal­ka­ra gu­ra­ma­la­ry­nyň 52 we­ki­li gö­zeg­çi­lik eder. Azer­baý­jan­da bol­jak syn­çy­lar 54 ýur­da we­kil­çi­lik eder. Şeý­le hem saý­law­la­ra 55 müň 965 sa­ny ýer­li syn­çy­ gat­na­şar.

Hy­ta­ýyň Fusz­ýan we­la­ýa­tyn­da ga­dy­my far­fo­ryň 100 müň par­ça­syn­dan yba­rat jaý gu­rul­dy. Bu öýi Sin di­nas­ti­ýa­sy­nyň ak-ga­ra ta­rel­ka­la­ry, “Şun­meý” atly far­for pyýalalaryň 3 müň­den gow­ra­gy hem-de 68 sa­ny ak-ga­ra far­for küýzeler be­ze­ýär. Ja­ýyň üçe­gi bol­sa, far­for plit­a­lar bi­len ör­tü­len.

G20-niň mas­la­ha­ty 2019-njy ýy­lyň 28-29-njy iýu­nyn­da Ýa­po­ni­ýa­nyň Osa­ka şä­he­rin­de ge­çi­ri­ler. Ýa­po­ni­ýa­nyň hö­kü­me­ti 2019-njy ýyl­da G20-niň kä­bir mi­nistr­ler de­re­je­sin­dä­ki du­şu­şyk­la­ry­nyň ge­çi­ril­jek ýe­ri­ni kes­git­le­di. Şeý­le hem, ma­li­ýe eda­ra­la­ry­nyň we mer­ke­zi bank­la­ryň ýol­baş­çy­la­ry­nyň mas­la­ha­ty Fu­kuo­ke­de, DIM-niň ýol­baş­çy­la­ry­nyň mas­la­ha­ty Aiti pre­fek­tu­ra­syn­da, zäh­met mi­nistr­le­ri­niň­ki Ma­su­ýa­ma şä­he­rin­de ge­çi­ri­ler. Sy­ýa­hat­çy­lyk mi­nistr­lik­le­ri­niň ýol­baş­çy­la­ry Hok­kaý­do ada­syn­da, oba ho­ja­lyk eda­ra­la­ry­nyň ýol­baş­çy­la­ry bol­sa, Ni­ga­te­de du­şu­şar­lar. 2019-njy ýyl­da “Uly ýig­ri­mi­li­giň” mas­la­ha­ty­ny ge­çir­mek ba­ra­da­ky ka­rar ge­çen ýyl Ger­ma­ni­ýa­da ge­çi­ri­len G20-niň li­der­le­ri­niň du­şu­şy­gyn­da ka­bul edi­lip­dir. Osa­ka Ýa­po­ni­ýa­nyň ulu­ly­gy bo­ýun­ça üçün­ji şä­he­ri bo­lup, 2,7 mil­li­on ila­ty bar.

Hindistanyň awia­kom­pa­ni­ýa­sy “Jet Air­wa­ys” ame­ri­kan awia­gur­lu­şyk kom­pa­ni­ýa­sy “Boeing” bi­len 75 sa­ny “Boeing 737 Max” uça­ry­ny sa­tyn al­mak ba­ra­da yla­laş­dy. Bu barada “Jet Air­wa­ys”-iň be­ýan­na­ma­syn­da mä­lim edil­ýär. Sar­gy­dyň ba­ha­sy 8,8 mil­liard dol­la­ra ba­ra­bar. Kom­pa­ni­ýa ga­za­ny­lan yla­la­şyk­la­ryň şer­ti we möh­let­le­ri ba­ra­da ha­bar ber­me­di. “Jet Air­wa­ys” awia­kom­pa­ni­ýa­sy 1992-nji ýyl­da esas­lan­dy­ry­lyp, Hin­dis­tan­da we dün­ýä­de 65 ugur bo­ýun­ça uçuş­la­ry ama­la aşyr­ýar. Kom­pa­ni­ýa­nyň dü­zü­min­de “Air­bus” we “Boeing”-iň 120 ho­wa gä­mi­si bar.

Ýa­pon te­le­kom­mu­ni­ka­si­ýa kom­pa­ni­ýa­sy “Soft­bank Group” dün­ýä­niň iň iri äti­ýaç­lan­dy­ryş kom­pa­ni­ýa­sy bo­lan Şweý­sa­ri­ýa­nyň “Swiss Re AG”-yň 10 gö­te­rim­den köp bol­ma­dyk paý­na­ma­la­ry­ny sa­tyn alar. Bu barada “Swiss Re”-niň be­ýan­atynda mä­lim edil­ýär. Soň­ky ge­çi­ri­len söw­da­da “Swiss Re”-niň paý­ynyň 3,52 mil­liard dol­la­ra ba­ra­bar­dy­gy bel­li bol­dy. Ýa­po­ni­ýa­nyň “Soft­Bank Group” kom­pa­ni­ýa­sy 1981-nji ýyl­da To­kio­da esas­lan­dy­ry­lyp, ulu­ly­gy bo­ýun­ça ýur­duň ara­gat­na­şyk ope­ra­to­ry bo­lup dur­ýar. “Soft­Bank”-yň bren­di bi­len te­le­kom­mu­ni­ka­si­ýa ba­za­ryn­da 600-den gow­rak kom­pa­ni­ýa iş­le­ýär. Kom­pa­ni­ýa 2000-nji ýyl­dan bä­ri “Ali­ba­ba” kom­pa­ni­ýa­sy­nyň iri paý­dar­la­ry­nyň bi­ri­dir. Şweý­sa­ri­ýa­nyň äti­ýaç­lan­dy­ryş kom­pa­ni­ýa­sy “Swiss Re” 1863-nji ýyl­da esas­lan­dy­ry­lan. Ştab-kwar­ti­ra­sy Sýu­rih­de ýer­leş­ýän bu kom­pa­ni­ýa, dün­ýä­niň 25-den gow­rak ýur­dun­da iş­le­ýär.

Gyzykly bolup bilerЕЩЕ ОТ АВТОРА