17-nji ap­rel­de Yk­dy­sa­dy Hyz­mat­daş­lyk Gu­ra­ma­sy­na (YHG) agza ýurtlaryň da­şa­ry iş­ler mi­nistr­le­ri­niň Ge­ňe­şi­niň no­bat­da­ky 23-nji mej­li­si ge­çi­ril­di. Oňa Tä­ji­gis­tan Res­pub­li­ka­sy­nyň Prem­ýer-mi­nist­ri Azim Ib­ro­hi­mow, Yk­dy­sa­dy Hyz­mat­daş­lyk Gu­ra­ma­sy­nyň sek­re­ta­ry Ha­lil Ib­ra­him Ak­ça, şeý­le hem Tä­ji­gis­ta­nyň, Azer­baý­ja­nyň, Ow­ga­nys­ta­nyň, Gyr­gy­zys­ta­nyň, Türk­me­nis­ta­nyň, Öz­be­gis­ta­nyň, Tür­ki­ýä­niň, Eý­ra­nyň we Pa­kis­ta­nyň da­şa­ry iş­ler mi­nistr­le­ri we jo­gap­kär we­kil­le­ri gat­naş­dy­lar.

Mej­li­siň gün ter­ti­bi­ne Yk­dy­sa­dy Hyz­mat­daş­lyk Gu­ra­ma­sy­na (YHG) ag­za ýurt­la­ryň ara­syn­da bag­la­şy­lan yla­la­şyk­la­ryň bar­şy, gu­ra­ma­nyň tas­la­ma­la­ry­nyň we mak­sat­na­ma­la­ry­nyň ber­jaý edi­li­şi­niň ýag­da­ýy, YHG-nyň mü­di­ri­ýe­ti­niň hal­ka­ra gu­ra­ma­la­ry bi­len öza­ra gat­na­şyk­la­ry­nyň me­se­le­le­ri, gu­ra­ma­nyň ýö­ri­te­leş­di­ri­len agent­lik­le­ri­niň we beý­le­ki eda­ra­la­ry­nyň işi, Ow­ga­nys­ta­na ýar­dam bo­ýun­ça YHG-nyň tä­ze mak­sat­na­ma­syn­da ka­bul edi­len “YHG gel­je­gi 2025” res­mi­na­ma­syn­da bel­le­nen mak­sat­la­ryň we we­zi­pe­le­riň ber­jaý edi­li­şi, şeý­le hem gu­ra­ma­nyň mü­di­ri­ýet we ma­li­ýe ýag­da­ýy ba­ra­da­ky me­se­le­ler gi­ri­zil­di.
Tä­ji­gis­ta­nyň da­şa­ry iş­ler mi­nist­ri Si­ro­ji­ddin As­low YHG-nyň ýurt­la­ry­nyň yk­dy­sa­dy­ýet, söw­da, ulag, ma­li­ýe, ma­ýa go­ýum­la­ry, sy­ýa­hat­çy­lyk ugur­la­ryn­da­ky hyz­mat­daş­ly­gy­nyň äh­mi­ýe­ti­niň ulu­dy­gy­ny nyg­tap, gu­ra­ma­nyň ag­za ýurt­la­ry­ny se­bi­tiň bi­le­lik­dä­ki tas­la­ma­la­ry­ny ama­la aşyr­ma­ga öz go­şant­la­ry­ny goş­ma­ga ça­gyr­dy. Şeý­le hem ol YHG-nyň ýurt­la­ry­nyň hyz­mat­daş­ly­gy­nyň esa­sy ugur­la­ry­nyň “YHG gel­je­gi 2025” res­mi­na­ma­syn­da kes­git­le­nen mak­sat­la­ra we we­zi­pe­le­re do­ly la­ýyk gel­ýän­di­gi­ni bel­le­di.
YHG-a ag­za ýurt­la­ryň da­şa­ry iş­ler mi­nistr­le­ri­niň Ge­ňe­şi­niň no­bat­da­ky 23-nji mej­li­sin­de Du­şen­be Jar­na­ma­sy ka­bul edi­lip, on­da “YHG gel­je­gi 2025” mak­sat­na­ma­sy­na gi­ri­zi­len ulag, ener­ge­ti­ka, sy­ýa­hat­çy­lyk, yk­dy­sa­dy­ýet, so­si­al me­se­le­ler, şeý­le hem daş­ky gur­şaw ýa­ly ugur­lar­da mun­dan soň­ky hyz­mat­daş­ly­gy ös­dür­me­giň me­se­le­le­ri­ne de­giş­li we­zi­pe­ler kes­git­le­nil­di.
Mej­li­siň çäk­le­rin­de Türk­me­nis­ta­nyň we Tä­ji­gis­ta­nyň da­şa­ry sy­ýa­sat eda­ra­la­ry­nyň ýol­baş­çy­la­ry­nyň ara­syn­da bo­lan du­şu­şyk­da sy­ýa­sy, söw­da-yk­dy­sa­dy we yn­san­per­wer­lik ugur­la­ryn­da iki­ta­rap­la­ýyn gat­na­şyk­la­ryň, şeý­le hem hal­ka­ra we se­bit gu­ra­ma­la­ry­nyň çar­çu­wa­syn­da hyz­mat­daş­ly­gyň hä­zir­ki ýag­da­ýy we ge­le­je­gi ara al­nyp mas­la­hat­la­şyl­dy.
Türk­me­nis­tan YHG-nyň çäk­le­rin­de iş­jeň hyz­mat­daş­lyk alyp bar­ýar. Bu ba­bat­da ulag we ener­ge­ti­ka ul­gam­la­ryn­da­ky hyz­mat­daş­lyk gat­na­şyk­la­ry­na has uly äh­mi­ýet be­ril­ýär. Bu ugur­lar­da­ky hyz­mat­daş­ly­gy ös­dür­mä­ge de­giş­li me­se­le­le­riň giň top­lu­my şu ýy­lyň maý aýy­nyň baş­la­ryn­da “Awa­za” mil­li sy­ýa­hat­çy­lyk zo­la­gyn­da ge­çi­ril­me­gi göz öňün­de tu­tul­ýan YHG-ä ag­za ýurt­la­ryň ulag mi­nistr­le­ri­niň 9-njy mej­li­sin­de ara al­nyp mas­la­hat­la­şy­lar. Şu­lar­dan gör­nü­şi ýa­ly Türk­me­nis­tan se­bit we äh­lu­mu­my hyz­mat­daş­lyk­da mö­hüm or­ny eýe­le­ýär.
Yk­dy­sa­dy Hyz­mat­daş­lyk Gu­ra­ma­sy­na agza ýurtlaryň da­şa­ry iş­ler mi­nistr­le­ri­niň Ge­ňe­şi­niň 23-nji mej­li­si­niň çäk­le­rin­de, YHG ýurt­la­ry­nyň halk se­net­çi­li­gi­niň ser­gi­si ge­çi­ril­di.

Gu­ra­ma ba­ra­da mag­lu­mat­lar
Yk­dy­sa­dy Hyz­mat­daş­lyk Gu­ra­ma­sy 1985-nji ýyl­da Or­ta Azi­ýa we Ýa­kyn Gün­do­gar ýurt­la­ry ta­ra­pyn­dan dö­re­di­len se­bit­le­ýin döw­le­ta­ra yk­dy­sa­dy dü­züm­dir we 1977-nji ýy­lyň 12-nji mar­tyn­da Eý­ran, Pa­kis­tan we Tür­ki­ýe ta­ra­pyn­dan esas­lan­dy­ry­lan hem-de şol üç ýur­duň gol çe­ken Iz­mir şert­na­ma­sy­nyň Ter­tip­na­ma­sy­nyň esa­syn­da he­re­ket ed­ýän ösüş üçin Se­bi­ta­ra hyz­mat­daş­lyk gu­ra­ma­sy­nyň hu­ku­gy­ny do­wam et­di­ri­ji bo­lup dur­ýar. Bu gu­ra­ma­nyň işi­niň esa­sy ugur­la­ry YHG-a ag­za ýurt­la­ryň döw­let Baş­tu­tan­la­ry­nyň iki ýyl­dan bir ge­zek ge­çi­ril­ýän sam­mit­le­rin­de kes­git­len­ýär. 1992-nji ýyl­dan baş­lap, onuň ag­za­ly­gy­na 7 sa­ny tä­ze ga­raş­syz döw­let­le­riň – Türk­me­nis­ta­nyň, Tä­ji­gis­ta­nyň, Ga­za­gys­ta­nyň, Öz­be­gis­ta­nyň, Azer­baý­ja­nyň we Gyr­gy­zys­ta­nyň, şeý­le hem Ow­ga­nys­ta­nyň gir­me­gi bi­len bu gu­ra­ma­nyň işi has-da iş­jeň­leş­di­ril­di.
1995-nji ýyl­da BMG-niň Baş As­samb­le­ýa­sy­nyň 50-nji mej­li­sin­de ka­bul edi­len Yk­dy­sa­dy Hyz­mat­daş­lyk Gu­ra­ma­sy bi­len hyz­mat­daş­lyk et­mek ha­kyn­da­ky Ka­rar­na­ma la­ýyk­lyk­da, YHG Bir­le­şen Mil­let­ler Gu­ra­ma­syn­da syn­çy de­re­je­sin­den peý­da­lan­ýar, mun­dan baş­ga-da, Ys­lam Hyz­mat­daş­lyk Gu­ra­ma­syn­da syn­çy de­re­je­si­ne eýe­dir. YHG he­mi­şe­lik he­re­ket ed­ýän se­bi­tiň mas­la­hat be­ri­ji we ut­gaş­dy­ry­jy gu­ra­ma­sy bol­mak bi­len, yk­dy­sa­dy, dur­muş ul­gam­la­ry, me­de­ni­ýet, ylym we bi­lim ba­bat­da döw­le­ta­ra gat­na­şyk­la­ry­nyň ös­dü­ril­me­gi­ne ýar­dam ed­ýär. Dün­ýä­niň sy­ýa­sy we yk­dy­sa­dy gi­ňiş­li­gi­ne üs­tün­lik­li go­şu­lyş­ma­ga uly gy­zyk­lan­ma bil­dir­ýän özyg­ty­ýar­ly Türk­me­nis­tan hä­zir­ki wagt­da iri hal­ka­ra hem-de se­bit gu­ra­ma­la­ry­nyň 40-dan gow­ra­gy­nyň, şol san­da YHG-nyň do­ly hu­kuk­ly ag­za­sy bo­lup dur­ýar. Türk­men ta­ra­py YHG-nyň ýo­ka­ry de­re­je­dä­ki mej­lis­le­ri­ne yzy­gi­der­li gat­naş­ýar. Hä­zir­ki wagt­da Yk­dy­sa­dy Hyz­mat­daş­lyk Gu­ra­ma­sy ýurt­la­ry­nyň se­bit­le­ri 300 mil­li­on adam­dan gow­rak ilat­ly 7 mil­li­on ine­dör­dül meý­da­ny öz içi­ne al­ýar.

Gyzykly bolup bilerЕЩЕ ОТ АВТОРА