Her bir yn­sa­nyň ömür ör­ki, dur­mu­şy­nyň maz­mu­ny we döw­let­li öýü­niň, tö­rü­niň gel­şi­gi bag­ty­ýar ça­ga­lar bi­len berk bag­la­ny­şyk­ly bol­sa ge­rek. Bu tu­tuş adam­zat ba­bat­da hem şeý­le­dir. Her bir döw­le­tiň yk­dy­sa­dy, ýa­şa­ýyş-dur­muş taý­dan ösüş de­re­je­si­ne ba­ha ber­len­de hem, ýur­duň ça­ga­la­ry­nyň hal-ýag­da­ýyn­dan, olar üçin dö­re­di­len ýa­şa­ýyş-dur­muş şert­le­rin­den we jem­gy­ýet­çi­lik müm­kin­çi­lik­le­rin­den ugur alyn­ýar.
Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da ýaş ne­sil aý­ra­tyn üns-ala­da bi­len gur­şal­ýar. Ça­ga­la­ryň bag­ty­ýar­ly­gy ýurt aba­dan­çy­ly­gy­nyň, pa­ra­hat­çy­ly­gyň we hal­ky­my­zyň bo­le­lin dur­mu­şy­nyň aý­dyň my­sa­ly bol­mak bi­len, döw­let sy­ýa­sa­ty­nyň ile­ri tu­tul­ýan esa­sy ug­ry hök­mün­de kes­git­le­nil­ýär. Bu bol­sa, eziz Di­ýa­ry­my­zy bag­ty­ýar ça­ga­ly­gyň me­ka­ny di­ýip at­lan­dyr­ma­ga do­ly esas ber­ýär.
Mä­lim bol­şy ýa­ly, bi­lim­li, giň dün­ýä­ga­ra­ýyş­ly tä­ze nes­li ke­ma­la ge­tir­mek ba­bat­da edil­ýän ala­da ata Wa­ta­nyň, hal­kyň nu­ra­na gel­je­gi­ni ber­ka­rar et­mek bi­len bag­la­ny­şyk­ly­dyr. Ýur­du­myz­da ça­ga­la­ryň dur­muş taý­dan go­rag­ly­ly­gy­na, ho­wan­dar­ly­ga mä­täç ça­ga­la­ra dür­li ugur­larda dur­muş ýe­ňil­lik­le­ri­niň, döw­let he­ma­ýa­ty­nyň be­ril­me­gi­ne aý­ra­tyn äh­mi­ýet be­ril­ýär. Şu ýy­ly­ň mart aýyn­da Ar­ka­dag şä­he­rin­de Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy­nyň dö­re­dil­me­gi­niň dört ýyl­ly­gy my­na­sy­bet­li «Pa­ra­hat­çy­lyk we yna­nyş­mak ýy­ly: ça­ga­la­ryň ha­ty­ra­sy­na hal­ka­ra işi­niň ösü­şi» at­ly hal­ka­ra mas­la­ha­tyň my­sa­lyn­da bu ha­ky­ka­ta aý­dyň göz ýe­tir­mek müm­kin.
Türk­men hal­ky­nyň Mil­li Li­de­ri Gahryman Arkadagymyzyň ta­gal­la­sy bi­len dö­re­di­len Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy­nyň ha­sa­by­na hä­zir­ki wag­ta çen­li bag­ty­ýar ça­ga­la­ryň en­çe­me­sin­de çyl­şy­rym­ly ope­ra­si­ýa­la­ryň ge­çi­ri­len­di­gi­ni we sag­ly­gy­ny di­kel­den­dik­le­ri­ni aý­ra­tyn nyg­ta­mak ze­rur. Pe­der­le­ri­mi­ziň yn­san­per­wer­lik, mä­tä­ji gol­da­mak ýa­ly mil­li ýö­rel­ge­le­ri­niň tä­ze ta­ry­hy dö­wür­de döw­let sy­ýa­sa­ty­nyň ile­ri tu­tul­ýan ugur­la­ry­nyň ha­ta­ryn­da giň ge­ri­me eýe bol­ýan­dy­gy kal­by­my­za eg­sil­mez buý­sanç ba­gyş­la­ýar.
Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy­nyň be­je­riş iş­le­ri bo­ýun­ça wi­se-pre­zi­den­ti Ogul­ja­han Ata­ba­ýe­wa­nyň «Al-Ara­bi­ýa» te­le­ýaý­ly­my­nyň esa­sy alyp­ba­ry­jy­sy­na be­ren in­terw­ýu­syn­da: «Bü­tin dün­ýä bo­ýun­ça ça­ga­la­ryň gel­je­gi göz öňün­de tu­tu­lan­da, biz hiç hi­li ara­çäk ba­bat­da bö­lün­me­li däl­di­ris, güýç­le­ri­mi­zi we ta­gal­la­la­ry­my­zy bir­leş­dir­me­li­di­ris» di­ýip, aý­ra­tyn nyg­tap ge­çi­şi ýa­ly, döw­le­ti­mi­ziň ça­ga­la­ryň bag­ty­ýar­ly­gy­na gö­nük­di­ri­len dur­muş sy­ýa­sa­ty, alyp bar­ýan jem­gy­ýet­çi­lik baş­lan­gyç­la­ry bü­tin dün­ýä­de uly gol­da­wa eýe bol­ýar.
Pa­ra­hat dur­mu­şyň gu­ja­gyn­da er­ka­na ýaý­na­ýan şa­dy­ýan ça­ga­la­ryň hu­kuk­la­ry­nyň we azat­lyk­la­ry­nyň go­rag­ly­ly­gy­nyň hem-de bu ba­bat­da yn­san­per­wer döw­let sy­ýa­sa­ty­nyň dur­mu­şa ge­çi­ril­me­gi­niň yg­ty­bar­ly hu­kuk bin­ýa­dy dö­re­dil­ýär. Ça­ga­la­ryň dur­muş we hu­kuk taý­dan ke­pil­lik­le­ri ýur­du­my­zyň Kons­ti­tu­si­ýa­syn­da hem-de «Ça­ga­nyň hu­kuk­la­ry­nyň döw­let ke­pil­lik­le­ri ha­kyn­da­ky» Türk­me­nis­ta­nyň Ka­nu­nyn­da öz be­ýa­ny­ny tap­ýar. Bu bol­sa, ýur­du­myz­da bag­ty­ýar ne­sil­le­riň jem­gy­ýe­tiň we döw­le­tiň aý­ra­tyn go­ra­gyn­da­dy­gy­nyň aý­dyň su­but­na­ma­sy­dyr. Ça­ga­la­ryň ra­ýat, sy­ýa­sy, yk­dy­sa­dy, dur­muş we me­de­ni hu­kuk­la­ry­ny özün­de jem­le­ýän BMG-niň Baş As­samb­le­ýa­sy ta­ra­pyn­dan ka­bul edi­len «Ça­ga­nyň hu­kuk­la­ry ha­kyn­da­ky» Kon­wen­si­ýa ýur­du­my­zyň go­şul­ma­gy döw­le­ti­mi­ziň yn­san­per­wer baş­lan­gyç­la­ra yg­rar­ly­dy­gy­ny tas­syk­la­ýar.
Umu­man, ýur­du­myz­da ösüp gel­ýän ýaş ne­sil ba­ra­da­ky ala­da aý­ra­tyn orun be­ril­ýär. Ça­ga­la­ryň hu­kuk­la­ry­ny go­ra­mak we ola­ra äh­li­ta­rap­la­ýyn my­na­syp dur­mu­şy üp­jün et­mek, şeý­le hem maş­ga­la­ny gol­da­mak ug­run­da dö­re­dil­ýän amat­ly şert­ler we giň ge­rim­li iş­ler ýur­du­myz­da ile­ri tu­tul­ýan ugur­la­ryň bi­ri bo­lan ça­ga­lar ha­kyn­da­ky ala­da­nyň üs­tün­lik­li dur­mu­şa ge­çi­ril­ýän­di­gi­ni aý­dyň şöh­le­len­dir­ýär.

Ak­ma­ral ÝAG­MU­RO­WA,
Seýitnazar Seýdi adyndaky Türkmen döwlet mugallymçylyk institutynyň talyby.

Gyzykly bolup bilerЕЩЕ ОТ АВТОРА