28-nji maý­da Ko­lum­bi­ýa­da ge­çi­ri­len Pre­zi­dent saý­law­la­ryn­da da­laş­gär­le­riň hiç bi­ri­si­ne bi­rin­ji tap­gyr­da ýe­ňiş ga­zan­mak üçin ses­le­riň ýe­ter­lik muk­da­ry­ny al­mak ba­şart­ma­dy. Şol sebäpli 17-nji iýun­da saý­law­la­ryň ikin­ji tap­gy­ry ge­çi­ri­ler.
Sag­çy da­laş­gär Iwan Du­ke ge­çi­ri­len saý­law­lar­da ses­le­riň 39 gö­te­ri­mi­ne eýe bo­lup, çep­çi Gus­ta­wo Pet­ro 25 gö­te­rim, Ser­hio Fa­har­do bol­sa, 23,8 gö­te­rim ses al­ma­gy ba­şar­dy. Ýur­duň hä­zir­ki Pre­zi­den­ti Hu­an Ma­nu­el San­tos saý­law­la­ryň ju­da pa­ra­hat ýag­daý­da ge­çi­ri­len­di­gi­ni ha­bar ber­di.
Du­ke “De­mok­ra­tik mer­kez” par­ti­ýa­sy­nyň adyn­dan saý­law­la­ra gat­naş­ýar. Pet­ro bol­sa, “Yn­san­per­wer Ko­lum­bi­ýa” hem-de In­deý we so­si­al al­ter­na­tiw he­re­ke­ti bi­le­le­şi­gi ta­ra­pyn­dan öz da­laş­gär­li­gi­ni hö­dür­le­ýär. Ol 2012-2015-nji ýyl­lar ara­ly­gyn­da Bo­go­ta­nyň hä­ki­mi, on­dan öň bol­sa, kong­re­siň ag­za­sy bol­dy. Ser­hio Fa­har­do “Ko­lum­bi­ýa” bi­le­le­şi­gi ta­ra­pyn­dan çy­kyş edip, oňa baş­ga-da “Ýa­şyl bi­le­le­şik”, “Al­ter­na­tiw­li de­mok­ra­tik pol­ýus” par­ti­ýa­la­ry hem-de “Ra­ýat yla­la­şy­gy” ýa­ly sy­ýa­sy he­re­ket­ler de­giş­li­dir.
Ko­lumb ka­nun­la­ry­na la­ýyk­lyk­da, da­laş­gä­riň ýe­ňiş ga­zan­ma­gy üçin ses­le­riň ýa­ryn­dan gow­ra­gy­na eýe bol­ma­gy ze­rur ha­sap­lan­ýar. Ýo­ka­ry döw­let we­zi­pe­si­ne Du­ke­den, Pet­ro­dan we Fa­har­do­dan baş­ga ýe­ne-de üç da­laş­gär – ozal­ky wi­se-pre­zi­dent Her­man War­gas Le­ras, Li­be­ral par­ti­ýa­nyň da­laş­gä­ri Um­ber­to de la Kal­ýe we “Bi­ziň äh­li­miz ko­lum­bi­ýa­ly” at­ly sy­ýa­sy he­re­ke­ti­niň da­laş­gä­ri Hor­he An­to­nio Tru­hi­lo da­gy­lar bäs­deş­lik ed­ýär. Pre­zi­dent saý­law­la­ryn­da ikin­ji or­ny eýe­län da­laş­gä­riň se­na­tyň dü­zü­mi­ne gir­mä­ge hu­ku­gy bo­lup, onuň bi­len bir­lik­de wi­se-pre­zi­dent­lik we­zi­pe­si­ne da­laş­gär bol­sa, we­kil­ler pa­la­ta­sy­nyň de­pu­ta­ty bolar.

Gyzykly bolup bilerЕЩЕ ОТ АВТОРА