9-10-njy iýun­da Hy­taý Halk Res­pub­li­ka­sy­nyň Sin­dao şä­he­rin­de Şan­haý Hyz­mat­daş­lyk Gu­ra­ma­sy­na (ŞHG) ag­za ýurt­la­ryň döw­let Baş­tu­tan­la­ry­nyň Ge­ňe­şi­niň 18-nji sam­mi­ti ge­çi­ril­di. Sam­mi­te baş­lyk­lyk eden Hy­taý Halk Res­pub­li­ka­sy­nyň Baş­ly­gy Si Szin­pin sam­mi­tiň açy­ly­şyn­da eden çy­ky­şyn­da gu­ra­ma­nyň işi­ne ýo­ka­ry ba­ha be­rip, gu­ra­ma­nyň he­mi­şe­lik ag­za­la­ry­nyň dü­zü­mi­ni gi­ňelt­mek bi­len has-da je­bis­le­şen­dik­le­ri­ni bel­läp geç­di. Ol gu­ra­ma­nyň do­ly hu­kuk­ly ag­za­la­ry hök­mün­de ŞHG-niň sam­mi­ti­ne il­kin­ji ge­zek gat­naş­ýan Hin­dis­ta­ny we Pa­kis­ta­ny mü­bä­rek­le­di.
Ol adam­zat jem­gy­ýe­ti­niň has uly ösüş­le­ri ga­zan­ma­gy üçin dün­ýä me­ýil­le­ri bi­len aýak­daş git­me­li­di­gi­ni öňe sü­rüp, hä­zir­ki wagt­da ŞHG-niň se­bit hyz­mat­daş­ly­gy­nyň tä­ze nus­ga­sy­ny eme­le ge­ti­ren­di­gi­ni hem-de se­bi­tiň pa­ra­hat­çy­ly­gy­na we ösü­şi­ne uly go­şant go­şan­dy­gy­ny bel­läp geç­di. Ol çy­ky­şy­nyň do­wa­myn­da Hy­taý ta­ra­pyn­dan ŞHG-niň ban­ka­ra bi­le­le­şi­gi­niň çäk­le­rin­de 30 mil­liard ýu­an (4,7 mil­liard dol­lar tö­we­re­gi) möç­be­rin­dä­ki kre­dit mak­sat­na­ma­sy­nyň ýo­la go­ýul­jak­dy­gy­ny mä­lim et­di.
Şan­haý Hyz­mat­daş­lyk Gu­ra­ma­sy­nyň no­bat­da­ky sam­mi­tin­de Sin­dao jar­na­ma­sy­ ka­bul edil­di. Mun­dan baş­ga-da, gu­ra­ma ag­za ýurt­la­ryň ýol­baş­çy­la­ry 18 sa­ny res­mi­na­ma gol çek­di­ler. Ola­ryň ara­syn­da Uzak möh­let­le­ýin hoş­ni­ýet­li goň­şu­çy­lyk gat­na­şyk­la­ry, dost­luk we gu­ra­ma ag­za ýurt­la­ryň hyz­mat­daş­ly­gy ha­kyn­da­ky şert­na­ma­nyň düz­gün­le­ri­niň ama­la aşy­ryl­ma­gy bo­ýun­ça 2018-2022-nji ýyl­lar­da­ky iş Me­ýil­na­ma­sy­ny tas­syk­la­mak, ŞHG-ä ag­za döw­let­le­riň 2019-2021-nji ýyl­lar­da hyz­mat­daş­lyk Mak­sat­na­ma­sy­ny tas­syk­la­mak ha­kyn­da­ky res­mi­na­ma­lar bar.
Şeý­le hem, gu­ra­ma ag­za ýurt­la­ryň ýol­baş­çy­la­ry se­bi­tiň trans­port ugur­la­ry­ny gur­mak we kä­mil­leş­dir­mek ar­ka­ly Ýew­ra­zi­ýa gi­ňiş­li­gi­niň tran­zit müm­kin­çi­lik­le­ri­ni güýç­len­dir­mä­ge ýar­dam ber­mä­ge taý­ýar­dyk­la­ry­ny mä­lim et­di­ler. Mun­dan baş­ga-da, ŞHG-ä baş­lyk­lyk et­mek we­zi­pe­si­niň HHR-den Gyr­gyz Res­pub­li­ka­sy­na ge­çen­li­gi mä­lim edil­di.

ŞHG-niň dü­zü­mi we iş ýö­rel­ge­si
2001-nji ýyl­da dö­re­di­len Şan­haý Hyz­mat­daş­lyk Gu­ra­ma­sy (ŞHG) – dün­ýä­niň iň iri bi­le­le­şik­le­ri­niň bi­ri­dir. Bu bi­le­le­şi­ge Rus­si­ýa, Ga­za­gys­tan, Gyr­gy­zys­tan, Tä­ji­gis­tan, Öz­be­gis­tan, şeý­le hem he­mi­şe­lik gat­na­şy­jy­lar Hin­dis­tan, Hy­taý we Pa­kis­tan de­giş­li­dir. Ow­ga­nys­tan, Be­la­rus, Eý­ran we Mon­go­li­ýa ýa­ly ýurt­la­ryň syn­çy de­re­je­si bo­lup, Azer­baý­jan, Er­me­nis­tan, Kam­bo­ja, Ne­pal, Tür­ki­ýe we Şri-Lan­ka bol­sa, gep­le­şik bo­ýun­ça hyz­mat­daş ýurt­lar bo­lup dur­ýar. ŞHG-ä gir­ýän ýurt­la­ryň umu­my meý­da­ny 34 mil­li­on ine­dör­dül metr­den gow­rak­dyr. Bu bü­tin Ýew­ra­zi­ýa­nyň 60 gö­te­ri­mi­ne ba­ra­bar­dyr. Bi­le­le­şi­gi düz­ýän ýurt­lar­da je­mi 3 mil­liard­dan gow­rak adam ýa­şa­ýar. Bu Ýer to­ga­la­gy­nyň ila­ty­nyň ýa­ry­na deň­dir. ŞHG-ä dün­ýä­niň je­mi içer­ki önü­mi­niň dört­den bi­ri düş­ýär.
2016-njy ýy­lyň 1-nji ýan­wa­ryn­da ŞHG-niň baş sek­re­ta­ry we­zi­pe­si­ne Ra­şid Ali­mow saý­lan­dy. Şo­ňa çen­li ol Tä­ji­gis­ta­nyň da­şa­ry sy­ýa­sat eda­ra­sy­na ýol­baş­çy­lyk edip, ýur­duň BMG-dä­ki he­mi­şe­lik we­ki­li bo­lup­dy. ŞHG-niň eda­ra­la­ryn­da­ky ka­rar di­ňe yla­la­şyk ar­ka­ly ka­bul edi­lip, bu ýö­rel­ge gu­ra­ma­nyň düz­gün­na­ma­syn­da hem tas­syk­la­nan­dyr.

Gyzykly bolup bilerЕЩЕ ОТ АВТОРА