Şu ýy­lyň güý­zün­de Gyr­gyz Res­pub­li­ka­syn­da Ys­syk kö­lüň ke­na­ryn­da III Bü­tin­dün­ýä çar­wa­dar­lar oýun­la­ry ge­çi­ril­ýär. Gyr­gyz Res­pub­li­ka­sy­nyň Me­de­ni­ýet, mag­lu­mat we sy­ýa­hat­çy­lyk mi­nist­ri­niň orun­ba­sa­ry Aý­nu­ra Te­mir­be­ko­wa ha­bar be­riş se­riş­de­le­ri­niň we­kil­le­ri bi­len ge­çi­ri­len söh­bet­deş­lik­de bu iri sport bäs­le­şi­gi­niň esa­sy aý­ra­tyn­lyk­la­ry ba­ra­da gi­ňiş­le­ýin gür­rüň ber­di.
– Bu oýun­la­ryň baş mak­sa­dy adam­zat me­de­ni­ýe­ti­niň mi­ra­sy hök­mün­de, dün­ýä­niň ga­dy­my­ýet­den gel­ýän spor­tu­ny, me­de­ni oýunlaryny ös­dür­mek­den yba­rat­dyr. Hä­zir­ki wagt­da glo­bal­laş­ma­gyň asy­ryn­da çäk­siz mag­lu­mat gi­ňiş­li­gi­niň şert­le­rin­de ýa­şa­ýa­rys. Şeý­le dö­wür­de özü­ňi we as­ly­ňy ýi­tir­mez­lik mö­hüm bo­lup dur­ýar. Döw­let­le­riň we halk­la­ryň öz ta­ry­hy­na, me­de­ni­ýe­ti­ne we däp-des­sur­la­ry­na aýaw­ly çe­me­leş­me­gi­ni ga­zan­mak bu ýa­ry­şyň esa­sy maksatlarynyň bi­ri­dir. Gyr­gyz Res­pub­li­ka­sy bu sport baý­ram­çy­ly­gy­ny gura­mak bi­len öz mil­li däp-des­sur­la­ry­ny dün­ýä ýaý­ma­gy mak­sat edin­di. Çün­ki çar­wa­dar­lyk dün­ýä­niň köp döw­let­le­ri­niň üns mer­ke­zin­de dur­ýar – di­ýip, gyr­gyz ýol­baş­çy­sy sözüni dowam etdirdi.
– 2014-nji ýyl­da il­kin­ji ge­zek ge­çi­ri­len Bü­tin­dün­ýä çar­wa­dar­lar oýun­la­ry­na 19 ýurt­dan tür­gen­ler we myh­man­lar gat­naş­dy. 2016-njy ýyl­da bol­sa, gat­na­şy­jy ýurt­la­ryň sa­ny 62-ä ýet­di. Hä­zir­ki wagt­da Gyr­gyz Res­pub­li­ka­sy­nyň hö­kü­me­ti şu ýylda 3-nji ge­zek ge­çi­ril­ýän bu iri sport ýa­ry­şy üçin 100-den gow­rak ýur­da ça­ky­lyk ýol­la­dy. Oýun­la­ryň mak­sat­na­ma­sy­nyň çäk­le­rin­de dür­li sport oýun­la­ry­ny, me­de­ni çä­re­le­ri, yl­my-ama­ly mas­la­hat­la­ry gura­mak hem-de bu çä­re­le­riň ählisini Ys­syk kö­lüň ke­na­ryn­daky Je­ty-Oguz jül­ge­sin­de ge­çi­ril­mek göz öňün­de tu­tul­ýar. Şu ýy­lyň güý­zün­de III Bü­tin­dün­ýä çar­wa­dar­lyk oýun­la­ry­na 3 müň­den gow­rak myh­ma­nyň gel­me­gi­ne ga­ra­şyl­ýar. Di­ňe tür­gen­le­riň sa­ny 2 mü­ňe go­laý­lar. Spor­tuň 37 gör­nü­şi bo­ýun­ça dür­li de­re­je­dä­ki me­dal­la­ryň 500-si­ni al­mak ug­run­da bäs­le­şik­ler gura­lar. To­ma­şa­çy­lar at ça­py­şy­gy, ta­na­py çe­kip dart­mak, ýaý­dan ok at­mak, la­çyn­ly, ta­zy­ly aw ýa­ly oýun­la­ra to­ma­şa edip bi­ler­ler. Bu­la­ryň äh­li­si çar­wa­la­ryň ga­dy­my­ýet­den do­wam edip gel­ýän oýun­la­ry­dyr. Weng­ri­ýa­dan gel­jek tür­gen­ler spor­tuň äh­li gör­nü­şi bo­ýun­ça gat­naş­ýar­lar. Dog­ru­sy, Ni­ge­ri­ýa ýa­ly alys ýurt­lar­yň türgenleri hem çarwadarlar oýun­la­ra gat­naş­ýar­lar. Biz şu ýyl geçiriljek oýun­la­ry­my­zy sport, me­de­ni­ýet we ylym ýa­ly to­par­la­ra böl­dük – di­ýip, Gyr­gyz Res­pub­li­ka­sy­nyň Me­de­ni­ýet, mag­lu­mat we sy­ýa­hat­çy­lyk mi­nist­ri­niň orun­ba­sa­ry Aý­nu­ra Te­mir­be­ko­wa sözüni soňlady.
Mä­lim bol­şy ýa­ly, türk­men tür­gen­le­ri hem 2016-njy ýyl­da ge­çi­ri­len II Bü­tin­dün­ýä çar­wa­dar­laryň oýun­la­ry­na gat­na­şyp, ýo­ka­ry ne­ti­je gör­kezdiler. Spor­tuň mil­li gör­nüş­le­ri bo­ýun­ça ge­çi­ri­len bu giň möç­ber­li ýa­ryş­lar­da il­deş­le­ri­miz gö­re­şiň dört gör­nü­şi – türk­men mil­li gö­re­şi, gu­şak­ly alyş gö­re­şi, ga­zak we gyr­gyz gö­re­şi bo­ýun­ça 23 me­da­la – 15 al­tyn, 2 kü­müş we 6 bü­rünç me­dal­la­ra my­na­syp bol­du­lar.
Türk­me­nis­ta­nyň Pre­zi­den­ti­niň Ahal­te­ke at­çy­lyk top­lu­my­nyň “Gal­ky­nyş” mil­li at üs­tün­dä­ki oýun­lar to­pa­ry­nyň bu iri sport ýa­ry­şyn­da çy­ky­şy hem uly üs­tün­li­ge eýe bo­lup­dy.

Gyzykly bolup bilerЕЩЕ ОТ АВТОРА