16-njy iýul­da Finl­ýan­di­ýa­nyň paý­tag­ty Hel­sin­ki­de Rus­si­ýa­nyň we ABŞ-nyň Pre­zi­dent­leri­niň du­şu­şy­gy ge­çi­ril­di. Wla­di­mir Pu­tin bilen Do­nald Tramp iki­çäk du­şu­şyk­da hal­ka­ra me­se­le­le­ri­niň giň top­lu­my­ny, şol san­da “De­mir­ga­zyk aky­my-2” gaz ge­çi­ri­ji­si­niň gur­lu­şy­gy, söw­da, go­ra­nyş, ylym, me­de­ni­ýet we beý­le­ki ugur­lar bo­ýun­ça hyz­mat­daş­lyk­la­ryň giň top­lu­my­ny ara alyp mas­la­hat­laş­dy­lar. Iki ýur­duň ýol­baş­çy­la­ry bu du­şu­şy­gyň äh­mi­ýet­li­di­gi­ni we mak­sa­da la­ýyk­dy­gy­ny bel­läp geç­di­ler.
Iki sa­gat­dan gow­rak wag­ta çe­ken iki­çäk du­şu­şyk şeý­le gör­nüş­de il­kin­ji ge­zek ge­çi­ril­ýär. Mun­dan ozal, iki ýur­duň li­der­le­ri ge­çen ýy­lyň iýun aýyn­da Ger­ma­ni­ýa­da ge­çi­ri­len G20 sam­mi­tin­de öz dip­lo­ma­tik eda­ra­la­ry­nyň ýol­baş­çy­la­ry­nyň gat­naş­ma­gyn­da hal­ka­ra me­se­le­le­ri­niň wa­jyp ugur­la­ry­ny ara alyp mas­la­hat­la­şyp­dy­lar, Wýet­nam­da ge­çi­ri­len Azi­ýa-Ýu­waş um­man yk­dy­sa­dy hyz­mat­daş­ly­gy­nyň mas­la­ha­tyn­da bol­sa, dün­ýä­niň beý­le­ki ýurt­la­ry­nyň li­der­le­ri bi­len ge­ze­lenç wag­ty du­şu­şyp­dy­lar.
Iki li­de­riň du­şu­şy­gy­na we­ki­li­ýe­tiň ag­za­la­ry­nyň go­şul­ma­gy bi­len je­mi dört sa­ga­da çen­li do­wam eden rus-ame­ri­kan sam­mi­ti ta­mam­la­nan­dan soň­ra Wla­di­mir Pu­tin we Do­nald Tramp met­bu­gat ýyg­na­gy­na gat­na­şyp, žur­na­list­le­riň so­wal­la­ry­na jo­gap ber­di­ler.
– ABŞ-nyň Pre­zi­den­ti Do­nald Tramp bi­len açyk we işe­wür ýag­daý­da ge­çi­ri­len gep­le­şik­le­ri örän şow­ly we peý­da­ly ha­sap­la­ýa­ryn – di­ýip, Wla­di­mir Pu­tin met­bu­gat ýyg­na­gyn­da aýt­dy.
– Biz dost­luk, hyz­mat­daş­lyk we pa­ra­hat­çy­lyk is­le­ýä­ris – di­ýip, ame­ri­kan li­de­ri öz ge­ze­gin­de bel­läp geç­di.
Ýo­ka­ry de­re­je­dä­ki rus-ame­ri­kan sam­mi­ti­ni Finl­ýan­di­ýa­da ge­çir­mek ba­ra­da ABŞ-nyň Pre­zi­den­ti­niň kö­mek­çi­si Jon Bol­to­nyň 27-nji iýun­da Mosk­wa gel­me­gin­den soň­ra yla­la­şyl­dy. ABŞ-nyň Pre­zi­den­ti Do­nald Tramp du­şu­şyk­dan öň, Bel­gi­ýa­da we Be­ýik Bri­ta­ni­ýa­da sa­par­da bol­dy. Şol gün Pre­zi­dent­le­ri­niň gep­le­şik­le­ri bi­len bir­wagt­da Hel­sin­ki­de Rus­si­ýa­nyň da­şa­ry iş­ler mi­nist­ri Ser­geý Law­row we ABŞ-nyň döw­let sek­re­ta­ry Maýkl Pom­peo­nyň ara­syn­da hem gep­le­şik­ler ge­çi­ril­di.

Gyzykly bolup bilerЕЩЕ ОТ АВТОРА