PDF
Şu gün Türkiýäniň Stambul şäherinde UEFA-nyň 2-nji derejeli klub ýaryşynyň ýeňijisi belli bolar. Germaniýanyň “Fraýburg” topary bilen Angliýanyň “Aston Willa” topary Stmabuldaky “Beşiktaş” stadionynda Ýewropa Ligasynyň finalynda duşuşar. Aşgabat wagty bilen 00:00-da başlanjak oýna fransiýaly Fransua Leteksie eminlik eder.
Fraýburg UEFA-nyň ýaryşlarynda ilkinji gezek finala çyksa, “Aston Willa” 2-nji gezek finalda oýnar. Iňlis kluby ilkinji gezek 1982-nji ýylda UEFA Çempionlar Ligasynyň finalynda (şol wagtky ady Ýewropanyň Çempion Klublarynyň Kubogy) nemes topary “Bawariýany” 1-0 hasabynda ýeňip, çempion bolupdy. “Aston Willa” şol möwsüm UEFA Super Kubogy duşuşygynda-da “Barselonany” 2 oýnuň netijesi boýunça 3-1 hasabynda utupdy (1-0, 0-3).
“Aston Willa” toparynyň tälimçisi Unaý Emeri Ýewropa Ligasyny gazanmagyň ussady hasaplanýar. 6-njy gezek finala çykan Emeri “Sewilýa” bilen 3 (2014-15-16), “Wilýarreal” (2021) bilenem 1 sapar Ýewropa Ligasynyň çempiony bolupdy. 2019-njy ýylda bolsa “Arsenaly” finala çykarsa-da, “Mançester Ýunaýtedden” ýeňlipdi.
