Hor­mat­ly Pre­zi­den­ti­mi­ziň baş­tu­tan­ly­gyn­da ýur­du­myz ösüş­le­riň tä­ze be­lent­lik­le­ri­ne ynam­ly bar­ýar. Türk­men döw­le­ti se­na­gat taý­dan kuw­wat­ly ýurt­la­ryň bi­ri­ne öw­rül­di. Di­ýa­ry­myz­da ne­bit­gaz, se­na­gat, gur­lu­şyk se­na­ga­ty ýa­ly mil­li yk­dy­sa­dy­ýe­ti­mi­ziň esa­sy pu­dak­la­ryn­da iri ma­ýa go­ýum tas­la­ma­la­ry ama­la aşy­ryl­ýar. Tä­ze hä­zir­ki­ za­man teh­no­lo­gi­ýa­la­ry bi­len üp­jün edi­len, dün­ýä­de de­ňi-ta­ýy bol­ma­dyk önüm­çi­lik des­ga­la­ry, dur­muş mak­sat­ly des­ga­lar we beý­le­ki bi­na­la­ryň gur­lu­şy­gy­nyň dep­gi­ni bir­jik-de gow­şa­man do­wam et­di­ril­ýär. Bu aý­dy­lan­la­ra şu hep­dä­niň do­wa­myn­da mil­li Li­de­ri­mi­ziň Owa­dan­de­pe­de gu­rul­ýan, te­bi­gy gaz­dan ben­zin ön­dür­ýän za­wo­dyň gur­lu­şy­gy bi­len ta­nyş­ma­gy hem-de paý­tag­ty­my­zy ös­dür­me­giň tas­la­ma­la­ry bi­len ge­çi­ren ta­nyş­ly­gy aýdyň şaýatlyk edýär.

DÜN­ÝÄ­NIŇ ÝE­KE-TÄK ZA­WO­DY
Hor­mat­ly Pre­zi­den­ti­miz Ahal we­la­ýa­ty­na iş sa­pa­ry­ny ama­la aşy­ryp, şol ýer­de ýur­du­my­zyň ýan­gyç-ener­ge­ti­ka top­lu­my­nyň iri kär­ha­na­sy­nyň – Owa­dan­de­pe­de gu­rul­ýan, te­bi­gy gaz­dan ben­zin ön­dür­ýän za­wo­dyň gur­lu­şy­gyn­da al­nyp ba­ryl­ýan iş­le­riň ýag­da­ýy bi­len ta­nyş­dy. Bu ma­ýa go­ýum tas­la­ma­sy Türk­me­nis­ta­nyň 2030-njy ýy­la çen­li dö­wür üçin ne­bit­gaz se­na­ga­ty­ny ös­dür­me­giň mak­sat­na­ma­sy­ny üs­tün­lik­li dur­mu­şa ge­çir­me­giň ýo­lun­da no­bat­da­ky ne­ti­je­li ädim­dir.
Bu kär­ha­na­ny şu ýyl ulan­ma­ga ber­mek göz öňün­de tu­tul­ýar. Bu ýer­de mil­li Li­de­ri­miz gys­ga­ça mas­la­hat ge­çir­di. Onuň bar­şyn­da ýur­du­my­zyň ener­ge­ti­ki stra­te­gi­ýa­sy­nyň dür­li me­se­le­le­ri ara al­nyp mas­la­hat­la­şyl­dy, mil­li yk­dy­sa­dy­ýe­ti­mi­ziň esa­sy pu­da­gy­nyň ýa­kyn gel­je­gi üçin wa­jyp we­zi­pe­le­r kes­git­le­nil­di.
Mi­nistr­ler Ka­bi­ne­ti­niň Baş­ly­gy­nyň orun­ba­sa­ry M.Me­re­dow ne­bit­gaz top­lu­my­nyn­da­ky iş­ler ba­ra­da ha­sa­bat ber­di. Wi­se-prem­ýer Ahal we­la­ýa­tyn­da te­bi­gy gaz­dan ben­zin ön­dür­ýän za­wo­dyň gur­lu­şyk-gur­na­ma iş­le­ri­niň do­ly ta­mam­la­nan­dy­gy ba­ra­da ha­sa­bat ber­mek bi­len, mil­li Li­de­ri­mi­ze tä­ze kär­ha­na­nyň des­lap­ky sy­nag­la­ry­ny baş­la­ma­ga ak pa­ta ber­me­gi ba­ra­da­ky ha­ýyş bi­len ýüz­len­di. Hor­mat­ly Pre­zi­den­ti­miz ýan­gyç-ener­ge­ti­ka top­lu­my­nyň ägirt uly çig mal se­riş­de­le­ri, se­na­gat hem-de yl­my kuw­wa­ty bi­len mil­li yk­dy­sa­dy­ýe­ti­miz­de esa­sy orun­la­ryň bi­ri­ni eýe­le­ýän­di­gi­ni nyg­ta­dy.
Şu­nuň bi­len bag­ly­lyk­da, hä­zir­ki wagt­da dün­ýä­de ýe­ke-täk bo­lan, te­bi­gy gaz­dan eko­lo­gi­ýa taý­dan aras­sa sin­te­ti­ki ben­zi­ni ön­dür­ýän tä­sin za­wo­dyň gu­rul­ma­gy­nyň äh­mi­ýe­ti bel­le­nil­di. Bu kär­ha­na Türk­me­nis­ta­nyň eks­port müm­kin­çi­lik­le­ri­ni ep-es­li gi­ňelt­mä­ge ýar­dam eder.
Za­wod “Türk­men­gaz” döw­let kon­ser­ni­niň hem-de “Ka­wa­sa­ki Heavy In­dust­ri­es Ltd.” (Ýa­po­ni­ýa) we “Rö­ne­sans En­düst­ri Te­sis­le­ri In­şa­at Sa­na­ýi ve Ticaret A.Ş.” (Tür­ki­ýe) kom­pa­ni­ýa­la­ry­nyň kon­sor­siu­my­nyň bi­le­lik­dä­ki ta­gal­la­la­ry bi­len gu­rul­dy. Dün­ýä­niň meş­hur önüm ön­dü­ri­ji­le­ri­niň iň tä­ze en­jam­la­ry hem-de öň­de­ba­ry­jy teh­no­lo­gi­ýa­la­ry bi­len üp­jün edi­len döw­re­bap gaz­hi­mi­ýa top­lu­myn­da her ýyl “ma­wy ýan­gy­jyň” 1 mil­liard 785 mil­li­on kub met­ri gaý­ta­dan iş­le­ni­ler hem-de “Euro-5” stan­dar­ty bo­ýun­ça iň ýo­ka­ry eko­lo­gi­ýa ta­lap­la­ry­na la­ýyk gel­ýän A-92 (RON-92) ky­sym­ly ben­zi­niň 600 müň ton­na­sy çy­ka­ry­lar, şeý­le hem 12 müň ton­na di­zel ýan­gy­jy we 115 müň ton­na su­wuk­lan­dy­ry­lan gaz ön­dü­ri­ler. Bu ma­ýa go­ýum tas­la­ma­sy­nyň umu­my ba­ha­sy ABŞ-nyň 1 mil­liard 700 mil­li­on dol­la­ry­na go­laý­dyr. Ony ma­li­ýe­leş­dir­mä­ge Ýa­po­ni­ýa­nyň Hal­ka­ra Hyz­mat­daş­lyk ban­ky (JBIC) gat­naş­ýar. 2019-njy ýyl­da ulan­ma­ga be­ril­me­gi me­ýil­leş­di­ril­ýän kär­ha­na­nyň işe gi­ri­zil­me­gi bi­len goş­ma­ça iş orun­la­ry­nyň 800-e go­la­ýy dö­re­di­ler.

DUR­MUŞ MAK­SAT­LY TAS­LA­MA­LAR
8-nji ýan­war­da hor­mat­ly Pre­zi­den­ti­miz Aş­ga­bat şä­he­ri­niň hä­ki­mi­niň ha­ýy­şy bi­len paý­tag­ty­myz bo­ýun­ça iş sa­pa­ry­ny ama­la aşyr­dy hem-de ony mun­dan beý­läk-de bi­na­gär­lik we dü­züm­le­ýin taý­dan ös­dür­me­giň tas­la­ma­la­ry bi­len ta­nyş­dy.
Bu ýer­de mil­li Li­de­ri­mi­ziň ga­ra­ma­gy­na eda­ra we jem­gy­ýet­çi­lik bi­na­la­ry­nyň, ýa­şa­ýyş jaý top­lum­la­ry­nyň iş­le­nip taý­ýar­la­ny­lan tas­la­ma­la­ry hö­dür­le­nil­di. Şo­la­ry 2020 – 2030-njy ýyl­lar­da Bag­ty­ýar­lyk et­ra­byn­da gu­rup, ulan­ma­ga ber­mek göz öňün­de tu­tul­ýar. Gör­ke­zil­ýän tas­la­ma­la­ryň ha­ta­ryn­da et­rap hä­kim­li­gi­niň hem-de beý­le­ki eda­ra bi­na­la­ry­nyň, hyz­mat­lar we dur­muş ul­ga­my­na de­giş­li bi­na­la­ryň gur­lu­şy­gy hem bar.
Düýp­li ma­ýa go­ýum se­riş­de­le­ri­niň ha­sa­by­na bu ýer­de her bi­ri 320 orun­lyk ça­ga­lar bag­la­ry­nyň 8-si­ni gur­mak me­ýil­leş­di­ril­ýär. Olar umu­my­lyk­da 2560 ça­ga ni­ýet­le­nen­dir. Şeý­le hem her bi­ri 960 orun­lyk umu­my­ bi­lim ber­ýän or­ta mek­dep­le­riň 6-sy göz öňün­de tu­tul­dy. Olar je­mi 5760 okuw­ça ni­ýet­le­nen­dir. Şeý­le-de bu ýer­de Me­de­ni­ýet öýi, Sag­lyk öý­le­ri­niň iki­si we Bagt köş­gi gur­lar.
Mun­dan baş­ga-da, bu ýer­de je­mi 564 gek­ta­ra ba­ra­bar meý­dan­da ýa­şa­ýyş jaý­la­ry­nyň 184-si ýer­leş­di­ri­ler. Şo­lar umu­my­lyk­da 16 müň 614 öý­li, 15 gat­ly we 9 gat­ly döw­re­bap ýa­şa­ýyş jaý­la­ry­dyr. Äh­li amat­lyk­la­ry özün­de jem­le­ýän ýa­şa­ýyş jaý­la­ry je­mi 74 müň 800 maş­ga­la ni­ýet­le­nen­dir. Her bi­ri 88 öý­li 15 gat­ly ýa­şa­ýyş jaý­la­ry­nyň 72-si bo­lup, şo­la­ryň 28-si üç otag­ly, 60-sy bol­sa, 4 otag­ly öý­ler­den yba­rat­dyr. Umu­man, bu jaý­lar je­mi 6 müň 336 maş­ga­la ni­ýet­le­nen­dir.
Bu ýer­de şeý­le möç­ber­dä­ki maş­ga­la­la­ra ni­ýet­le­nen 9 gat­ly ýa­şa­ýyş jaý­la­ry­nyň 66-sy­ny gur­mak me­ýil­leş­di­ril­ýär. Şo­lar­da je­mi 96 öý bo­lup, 60-sy üç, 36-sy bol­sa dört otag­ly öý­ler­dir. Ýe­ne­de iki top­lum­dan yba­rat bo­lan 9 gat­ly ýa­şa­ýyş jaý­la­ry je­mi 4 mü­ňe go­laý öý­den yba­rat bo­lar. Mun­dan baş­ga-da, aw­to­mo­bil ulag­la­ry­nyň du­ral­ga­la­ry­nyň, hyz­mat ediş öý­le­ri­niň, 1 müň 500 orun­lyk sta­dio­ny bo­lan sport top­lu­my­nyň, ça­ga­lar dö­re­di­ji­lik mer­ke­zi­niň, 48 gek­ta­ra ba­ra­bar meý­da­ny bo­lan se­ýil­gä­hiň, dü­züm­le­ýin ýol-ulag ul­ga­my­na de­giş­li des­ga­la­ryň, je­ma­gat ho­ja­lyk bi­na­la­ry­nyň we söw­da mer­kez­le­ri­niň hem-de in­že­ner­kom­mu­ni­ka­si­ýa ul­gam­la­ry­nyň we top­lum­la­ryň için­dä­ki ýol­la­ryň gur­lu­şy­gy göz öňün­de tu­tul­dy.
Mil­li Li­de­ri­miz dür­li be­ýik­lik­dä­ki iri ýa­şa­ýyş top­lum­la­ry­nyň tas­la­ma­la­ry­na, şol san­da Kö­şi ýa­şa­ýyş top­lu­my­nyň çä­gin­de gu­rul­ma­gy me­ýil­leş­di­ril­ýän des­ga­la­ryň çyz­gy­la­ry­na aý­ra­tyn ün­si çek­di. Şä­he­riň saz­la­şyk­ly ös­ýän bu kün­je­gin­de ça­ga­lar bag­la­ry­ny, mek­dep­le­ri, ýyl­da 40 müň nä­sa­gy ka­bul et­mä­ge ni­ýet­le­nen Sag­lyk öýü­ni, se­ýil­gäh­le­ri we gök zo­lak­la­ry döretmek me­ýil­leş­di­ril­ýär.
Mil­li Li­de­ri­miz esa­sy bel­lik­le­ri we düýp­li mas­la­hat­la­ry aý­dyp, paý­tag­ty­myz – ak mer­mer­li Aş­ga­ba­dy­myz di­ňe bir owa­dan we ýa­şa­mak üçin has oňaý­ly şä­her bol­mak bi­len çäk­len­män, eý­sem, döw­re­bap we uly şä­her bol­ma­ly­dy­gy­ny, mu­nuň özi şä­he­riň dur­muş üp­jün­çi­li­gi­niň äh­li ul­gam­la­ry­nyň bök­denç­siz iş­le­me­gin­de hem-de daş­ky keş­bin­de öz be­ýa­ny­ny tap­ma­ly­dy­gy­ny bel­le­di.

Gyzykly bolup bilerЕЩЕ ОТ АВТОРА