Slo­wa­ki­ýa­da ge­çi­ri­len Pre­zi­dent saý­la­wlary­nyň bi­rin­ji tap­gy­ryn­da iň köp se­si Zu­za­na Ça­pu­to­wa al­dy. Prog­res­siw Slo­wa­ki­ýa par­ti­ýa­sy­nyň da­laş­gä­ri Ça­pu­to­wa 40,2%, hä­ki­mi­ýet­dä­ki So­si­al de­mok­rat SMER par­ti­ýa­sy­nyň da­laş­gä­ri Ma­roş Şef­ço­wiç 18,7% ses al­dy. Şeý­le­lik­de, iň köp ses alan bu iki da­laş­gär ikin­ji tap­gyr­da öz ara­la­ryn­da bäs­le­şer. Saý­la­wa je­mi 13 da­laş­gär gat­na­şyp, ola­ryň ara­syn­da ozal­ky ada­lat mi­nist­ri Ste­fan Ha­ra­bin (14%), Ma­ri­an Kot­le­ba (10%), Fran­ti­sek Mik­los­ko (5%), Bu­gar Be­la (3%) da­gy bar.
Kä­ri hu­kuk­çy bo­lan Ça­pu­to­wa­nyň sy­ýa­sy kar­ýe­ra­sy 2017-nji ýy­lyň ahy­ryn­da Prog­res­siw Slo­wa­ki­ýa par­ti­ýa­sy­na go­şul­ma­gy bi­len baş­lanýar.
2009-njy ýyl­da Ýew­ro­pa Ko­mis­si­ýa­sy­nyň ag­za­sy bo­lan Şef­ço­wiç bol­sa, 2014-nji ýy­lyň 1-nji no­ýab­ryn­dan bä­ri Ýew­ro­ko­mis­si­ýa­nyň baş­ly­gy­nyň orun­ba­sa­ry we­zi­pe­si­ni ýe­ri­ne ýe­tir­ýär.
Saý­la­wlaryň ikin­ji tap­gy­ry 30-njy mart­da ge­çi­ri­ler. Ýe­ňiş ga­za­nan da­laş­gär ýur­duň 5-nji Pre­zi­den­ti bo­lar. 5,5 mil­lio­na go­laý ila­ty bo­lan Slo­wa­ki­ýa­da 4,4 mil­li­on tö­we­re­gi saý­law­çy bar. 1993-nji ýyl­da ga­raş­syzlygyny gazanan ýurt­da döw­let ýol­baş­çy­sy halk ta­ra­pyn­dan 5 ýyl möh­le­te saý­lan­ýar. Ýurt­da he­re­ket ed­ýän ka­nun­çy­ly­ga gö­rä, Pre­zi­dent yz­ly-yzy­na iki möh­le­te saý­la­nyp bil­ýär. 2014-nji ýy­lyň mar­tyn­da saý­la­nan Slo­wa­ki­ýa­nyň hä­zir­ki döw­let ýol­baş­çy­sy And­reý Kis­ka ikin­ji möh­le­te da­laş­gär bol­ma­jak­dy­gy­ny aý­dyp­dy.
2004-nji ýyl­da Ýew­ro­pa Bi­le­le­şi­gi­niň ag­za­sy bo­lan ýurt 2009-njy ýyl­dan bäri res­mi pul birligi hökmünde ýew­ro ulan­ýar. Şeý­le hem ýurt Şen­gen giňişligine girýär.

Gyzykly bolup bilerЕЩЕ ОТ АВТОРА