Fran­si­ýa­nyň we Ger­ma­ni­ýa­nyň Par­la­ment­le­ri 25-nji mart­da Pa­riž­de fran­suz-ne­mes par­la­ment ýyg­na­gy­nyň il­kin­ji mej­li­si­ni ge­çi­rdi. Ýew­ro­pa Bi­le­le­şi­gi­niň öň­de­ba­ry­jy iki ýur­du­nyň hyz­mat­daş­ly­gy­ny gi­ňelt­mek üçin dö­re­di­len bu ýygnak umu­my me­se­le­le­ri mas­la­hat­laş­mak, hyz­mat­daş­lyk me­se­le­le­rin­de we ka­nun çy­ka­ry­jy­ly­gy ut­gaş­dyr­mak bo­ýun­ça tek­lip­le­ri iş­läp düz­mek­de ýe­ri­ne ýe­ti­ri­ji hä­ki­mi­ýe­tiň işi­ne gö­zeg­çi­lik et­mek mak­sa­dy bi­len ýyl­da iki ge­zek ýyg­na­ny­şar. 56 ýyl mun­dan ozal, Fran­si­ýa­nyň we Ger­ma­ni­ýa­nyň ara­syn­da bag­la­şy­lan Ahensk dost­luk şert­na­ma­sy­nyň esasynda Par­la­men­ta­ra or­ga­ny dö­re­dil­ipdi.
Her ýurt­dan 100 we­kil­iň gatnaşmagynda geçiriljek bu ýyg­nak eý­ýäm 16 ýyl bä­ri Pa­riž­de we Ber­lin­de ge­zek-ge­ze­gi­ne yzy­gi­der­li ge­çi­ril­ýän bi­le­lik­dä­ki mi­nistr­ler ge­ňe­şi­niň üs­tü­ni ýe­ti­rer. Umu­my Par­la­ment ýyg­na­gy­nyň gu­ra­ma­çy­lyk mej­li­si Fran­si­ýa­nyň we Ger­ma­ni­ýa­nyň Par­la­ment­le­ri­niň aşa­ky pa­la­ta­la­ry­nyň spi­ker­le­ri­niň – Ri­şar Fer­ra­nyň we Wolf­gang Şoýb­le­niň baş­lyk­ly­gyn­da Pa­riž­de ge­çi­ril­di. Onuň bi­rin­ji mej­li­si­ne fran­suz Mil­li ýyg­na­gyn­dan 50 we­kil, şon­ça-da ger­man Bun­des­ta­gy­nyň we­kil­le­ri gat­naş­dy­lar. Ri­şar Fer­ran öz çy­ky­şyn­da ýyg­na­gyň bi­rin­ji mej­li­si­niň se­ne­si­niň ýö­ne ýe­re saý­lan­man­dy­gy­ny, onuň ýe­ke-täk Ýew­ro­pa­nyň ke­ma­la gel­me­gin­de ta­ry­hy pur­sat bo­lup dur­ýan­dy­gy­ny bel­le­di.
1957-nji ýy­lyň 25-nji ma­rtyn­da Rim­de Ýew­ro­pa yk­dy­sa­dy jem­gy­ýe­ti­ni dö­ret­me­giň esa­sy­ny goý­an şert­na­ma gol çe­ki­lip­di. Şon­da Rim şert­na­ma­sy­na Fran­si­ýa we GFR-den baş­ga Ita­li­ýa, Bel­gi­ýa, Ni­der­land­lar we Lýuk­sem­burg gol çe­kip­di.

Gyzykly bolup bilerЕЩЕ ОТ АВТОРА