31-nji martda Ukrainada geçirilen Prezident saýlawlarynyň birinji tapgyrynda sesleriň 30,26 göterimini alyp “Halkyň hyzmatkäri” partiýasynyň başlygy, prodýuser Wladimir Zelenskiý ýeňiş gazandy. Bu barada Ukrainanyň Merkezi saýlaw komissiýasy býulletenleriň 100 göterime golaýyny sanandan soňra mälim etdi.
Şeýle hem “Raýdaşlyk” partiýasynyň dalaşgäri Pýotr Poroşenko sesleriň 15,92 göterimine, “Batkiwşina” partiýasynyň başlygy Ýuliýa Timoşenko sesleriň 13,38 göterimine eýe boldy. “Durmuş üçin” partiýasynyň lideri Ýuriý Boýko 11,53 göterim ses bilen dördünji orny eýeledi.
Prezident saýlawlaryna jemi 39 dalaşgär gatnaşdy. Merkezi saýlaw komissiýasynyň maglumatlaryna görä, saýlawlara 18,5 million adam gatnaşdy. Ýurtda hereket edýän kanunçylyga görä, saýlawyň birinji tapgyrynda dalaşgärleriň hiç birisi 50 göterimden köp ses alyp bilmese, onuň ikinji tapgyry geçirilip, oňa iň köp ses alan iki dalaşgär gatnaşýar. Saýlawlaryň ikinji tapgyry 21-nji aprelde geçiriler.
