Mosk­wa­da 8-10-njy ap­rel ara­ly­gyn­da “ARA­BIA-EXPO 2019” at­ly dör­dün­ji hal­ka­ra ser­gi­si ge­çi­ril­di. Bu sergide 3 müň­den gow­rak gat­na­şy­jy bel­li­ge alyn­dy. Rus­si­ýa­nyň paý­tag­ty­na Ýa­kyn Gün­do­gar ýurt­la­ryn­dan 17 we­ki­li­ýet gel­di. Ola­ryň ara­syn­da hö­kü­met we­kil­le­ri, işe­wür­ler bar. Ser­gi­niň çäk­le­rin­de ge­çi­ri­len rus-arap fo­ru­myn­da äh­li ugur­lar bo­ýun­ça hyz­mat­daş­ly­gy ös­dür­me­giň me­se­le­le­ri ara al­nyp mas­la­hat­la­şyl­dy. Bu ser­gi rus we arap kom­pa­ni­ýa­la­ry­nyň iki­ta­rap­la­ýyn ma­ýa go­ýum­la­ry we se­na­gat müm­kin­çi­lik­le­ri­ni hö­dür­le­mä­ge oňaý­ly şertleri dö­ret­di. Ser­gi­niň çäk­le­rin­de rus-arap işe­wür ge­ňe­şi­niň 12-nji mej­li­si ge­çi­ri­lip, oňa Rus­si­ýa­nyň da­şa­ry iş­ler mi­nist­ri Ser­geý Law­row gat­naş­dy.
– Rus­si­ýa­nyň we arap döw­let­le­ri­niň sy­ýa­sy gep­le­şik­le­ri­niň üs­ti baý söw­da-yk­dy­sa­dy gat­na­şyk­la­ry bi­len dol­du­ryl­ýar – di­ýip, da­şa­ry sy­ýa­sat eda­ra­sy­nyň ýol­baş­çy­sy bel­le­di.
– Hä­zir­ki wagt­da rus kom­pa­ni­ýa­la­ry arap hyz­mat­daş­la­ry bi­len bi­le­lik­de ba­ha­sy 40 mil­liard dol­lar­dan gow­rak 400-den gow­rak ma­ýa go­ýum­la­ry we eks­port tas­la­ma­la­ry­ny ama­la aşy­ryp, ola­ryň 25 mil­liard­yny rus döw­le­ti­niň kar­zy­nyň ha­sa­by­na ma­li­ýe­leş­dir­mek me­ýil­leş­di­ril­ýär – di­ýip, Ser­geý Law­row sö­zü­niň üs­tü­ne goş­dy.
“Rus­si­ýa – arap dün­ýä­si: umu­my gel­jek üçin he­re­ke­tiň wag­ty” bu fo­ru­myň şy­ga­ry bol­dy. – 15 ýyl mun­dan ozal, Ýa­kyn Gün­do­gar bi­len söw­da do­la­ny­şy­gy 900 mil­li­on dol­lar bo­lan bol­sa, ol hä­zir 22 mil­liard dol­la­ra ba­ryp ýet­di – di­ýip, Rus-arap işe­wür ge­ňe­şi­niň baş­ly­gy Tat­ýa­na Gwi­lo­wa aýt­dy.

Gyzykly bolup bilerЕЩЕ ОТ АВТОРА