Lit­wa­da 12-nji maý­da ge­çi­ri­len Pre­zi­dent saý­law­la­ryn­a gatnaşan 9 da­laş­gä­riň hiç bi­ri­si hem 50% se­s alyp bil­me­di. Bu ýag­daý bol­sa, ses ber­li­şi­giň ikin­ji tap­gy­ry­nyň ge­çi­ril­jek­di­gi­ni hem-de oňa bi­rin­ji tap­gy­ryň iki li­de­ri­niň gat­naş­jak­dy­gy­ny aň­lad­ýar.
Saý­law ko­mi­te­ti­niň mag­lu­mat­la­ry­na gö­rä, 54 ýaş­ly yk­dy­sa­t­çy Gi­ta­nas Nau­se­da ses­le­riň 31,18%-ine, 44 ýaş­ly ozal­ky ma­li­ýe mi­nist­ri Ing­ri­da Şi­mo­ni­te ses­le­riň 27,16%-ine eýe bol­dy. Bi­ler­men­le­riň çak­la­ma­la­ry­na gö­rä, ikin­ji tap­gyr­da Nau­se­da­ bilen Şi­mo­ni­te­niň ýe­ňiş ga­zan­mak müm­kin­çi­lik­le­ri deň hasaplanýar.
Pre­zi­den­tiň we­zi­pe­si­ne da­laş­gär­lik eden Lit­wa­nyň 48 ýaş­ly Prem­ýer-mi­nist­ri Sa­ul­ýus Skwern­ýa­lis üçün­ji or­ny eýe­le­di. Ol eý­ýäm özü­niň ýeň­li­şi­ni yk­rar edip, hö­kü­met baş­ly­gy we­zi­pe­sin­den git­jek­di­gi­ni mä­lim et­di. Hü­när­men­ler onuň Mi­nistr­ler Ka­bi­ne­tin­de soň­ky on ýyl­lyk­da iň üs­tün­lik­li iş­län ýol­baş­çy­la­ryň bi­ri bo­lup, Lit­wa­nyň dur­nuk­ly yk­dy­sa­dy ösü­şi­ni üp­jün et­mek­de ta­gal­la­la­ry­ny gaý­gyr­man­dy­gy­ny aýd­ýar­lar.
Lit­wa­da döw­let baş­tu­ta­ny­nyň saý­law­la­ry bi­len bir­lik­de iki ra­ýat­lyk düz­gü­ni­ni gi­riz­mek we Par­la­ment­dä­ki we­kil­le­riň sa­ny­ny 15% azalt­mak ha­kyn­da sa­la sal­şyk ge­çi­ril­di. Ýurt bo­ýun­ça ses ber­mek üçin 2 müň tö­we­re­gi saý­law uças­to­gy döredilip, ses ber­mä­ge hu­ku­gy bo­lan 2,472 mil­li­on ada­myň saý­law­la­ra gat­naş­ma­ga müm­kin­çi­li­gi bol­dy.
Lit­wa­nyň hä­zir­ki Pre­zi­den­ti Dal­ýa Gri­ba­us­kaý­te häzir Pre­zi­dent­lik we­zi­pe­si­niň ikin­ji möh­le­tin­de bo­lup, ka­nun bo­ýun­ça üçün­ji ge­zek saý­la­nyp bil­me­ýär. Lit­wa­nyň Pre­zi­den­ti bäş ýyl­lyk möh­let bi­len saý­lan­ýar. Saý­law­la­ryň ikin­ji tap­gy­ry 26-njy ma­ýda ge­çi­ri­ler.

Gyzykly bolup bilerЕЩЕ ОТ АВТОРА