Awst­ra­li­ýa­da 18-nji maý­da ge­çi­ri­len fe­de­ral saý­law­lar­da do­lan­dy­ry­jy kon­ser­wa­tiw Li­be­ral-mil­li bi­le­le­şi­gi ýe­ňiş ga­zan­dy. Bäs­deş “Işçi” par­ti­ýa­nyň baş­ly­gy Bill Şor­ten öz ýeň­li­şi­ni bo­ýun alan­dan soň, li­be­ral­la­ryň li­de­ri Skott Mor­ri­son oňat gel­jek üçin ses be­ren äh­li awst­ra­li­ýa­ly­la­ra ho­şal­lyk bil­dir­di. Mor­ri­son ge­çi­ri­len bu saý­law­la­ryň ne­ti­je­le­ri bo­ýun­ça ýe­ne-de üç ýyl hö­kü­met baş­ly­gy we­zi­pe­sin­de gal­ar.
“Işçi” partiýanyň saý­law­lar­dan uly umyt­la­ry bar­dy. Olar saý­la­wyň öň ýa­nyn­da­ky kam­pa­ni­ýa­lar­da ho­wa­nyň üýt­ge­me­gi­niň ýa­ra­maz ne­ti­je­le­ri bi­len gö­re­şi hem-de sal­gyt re­for­ma­la­ry­ny baş mak­sat­la­ry edip go­ýupdy. Olar bäs­deş­le­ri al­ty ýyl ýur­dy do­lan­dy­ran­dan soň­ra, öz­le­ri­ne hem hö­kü­me­ti ne­ti­je­li do­lan­dyr­ma­ga müm­kin­çi­li­giň dö­rän­di­gi­ne ynan­ýar­dy­lar.
– Bi­ziň en­tek hem et­me­li iş­le­ri­miz köp. Biz awst­ra­li­ýa­ly­la­ryň bäh­bit­le­ri üçin işi­mi­ze do­la­na­rys we ola­ryň giň gol­da­wy­na my­na­syp baş­lan­gyç­la­ry ama­la aşy­ra­rys. Bi­ziň hö­kü­me­ti­miz dur­nuk­ly yk­dy­sa­dy ösü­şi üp­jün et­mek­de, sal­gyt­la­ry azalt­mak­da ta­gal­la­la­ry­ny gaý­gyr­maz – di­ýip, Awst­ra­li­ýa­nyň Prem­ýer-mi­nist­ri Skott Mor­ri­son aýt­dy.
Bu saý­law­lar Awst­ra­li­ýa­da ge­çi­ri­len iň esa­sy sy­ýa­sy çä­re­le­riň bi­ri­dir. Ka­nu­n taý­dan Awst­ra­li­ýa­nyň ýol­baş­çy­sy Be­ýik Bri­ta­ni­ýa­nyň Şa ze­na­ny Ýe­li­za­we­ta II bolup, iş ýü­zün­de ýurdy Prem­ýer-mi­nist­r dolandyrýar. Ila­ty 25 mil­lio­na ba­ra­bar bo­lan ýur­duň 16 mil­lio­ny­nyň ses ber­mä­ge hu­ku­gy bar. Olar We­kil­ler pa­la­ta­sy­nyň 151 we­ki­li­ne we Se­na­tyň 76 we­ki­lin­den 40-sy­na ses ber­di­ler. Se­na­tyň beý­le­ki 36 we­ki­li (par­la­men­tiň ýo­kar­ky pa­la­ta­sy) bol­sa, 2-nji no­ýab­ra çen­li saý­la­nar.
Ýur­duň saý­law ko­mis­si­ýa­sy­nyň baş­ly­gy To­ma Ro­jer­siň aýt­ma­gy­na gö­rä, saý­law kam­pa­ni­ýa­sy ýur­duň ta­ry­hyn­da­ky saý­law­la­ryň iň giň ge­rim­li­si bol­dy. Ýur­duň dür­li kün­jek­le­rin­de açy­lan saý­law uças­tok­la­ryn­da 80 müň­den gow­rak meý­le­tin­çi zäh­met çek­di. Saý­law uças­tok­la­ry­nyň 85-si da­şa­ry ýurt­lar­da iş­le­di.
Saý­law­lar­da We­kil­ler pa­la­ta­sy­nyň 151 or­nu­na 1056 adam, se­na­tor­la­yň 40 or­nu­na bol­sa, 458 adam dalaşgärlik etdi. We­kil­ler pa­la­ta­syn­dan 78 or­na eýe bo­lan par­ti­ýa ýa-da bi­le­le­şik hö­kü­met dü­züp, öz Prem­ýer-mi­nist­ri­ni saý­la­ýar. Esa­sy bäsleşik li­be­ral­lar bi­len “Işçi” partiýasynyň ara­syn­da bolup, onda ýur­duň Prem­ýer-mi­nist­ri Skott Mor­ri­son ýe­ňiş ga­zan­dy.

Gyzykly bolup bilerЕЩЕ ОТ АВТОРА