Gi­gi­ýe­na­nyň düz­gün­le­ri­ni sak­la­mak diş­le­riň sag­ly­gy­ny we ola­ryň dur­ku­ny go­ra­mak­da ýe­ter­lik däl. Çün­ki nä­dog­ry iý­mit­le­nilen ha­la­tyn­da diş­le­re has-da köp ze­per ýet­ýär. Diş­ler iý­mit­de äh­li ze­rur bo­lan mik­roe­le­ment­le­riň bol­ma­gy­ny ta­lap ed­ýär. Süýt, ga­tyk, two­rog, ýo­gurt we peý­nir ýa­ly önüm­le­riň dü­zü­min­de kal­si­niň uly muk­da­ry sak­la­nyp, be­den ola­ry has go­wy öz­leş­dir­ýär. Şo­nuň üçin her gün­ki iý­mit sa­na­wy­ňyz­da süýt önüm­le­ri­niň bol­ma­gy ze­rur­dyr. Çün­ki süýt önüm­le­ri­niň dü­zü­min­de kal­si­den baş­ga, fos­for we mag­niý ýa­ly ta­pyl­gy­syz mad­da­lar bar. El­bet­de, mi­we­lere we gök önüm­le­re hem äh­mi­ýet ber­me­li. Olar di­ňe bir wi­ta­min­le­re däl, eý­sem, di­şiň ýü­zü­ni ört­ýän gat­lak­lara we diş eti­niň gan­jar­magyna garşy gö­reş­de ýar­dam ber­ýän peý­da­ly kis­lo­ta­la­ra baý­dyr. Ga­ty gök önüm­le­ri, mi­we­le­ri we hoz­la­ry yzy­gi­der­li iý­mek diş­le­ri ber­kid­ýär we agyz boş­lu­gy­ny aras­sa­la­ýar. Şeý­le hem gök ösüm­lik­ler we ir-iý­miş­ler bak­te­ri­ýa­lar bi­len gö­reş­de ýar­dam be­rip, da­mar­la­ry ber­kid­ýär.
Ýu­murt­ga hem diş­ler üçin peý­da­ly­dyr. On­da kal­siý we D wi­ta­mi­ni bo­lup, be­den­de has oňat öz­leş­ýär­. Kon­di­ter önüm­le­ri­niň de­re­gi­ne, iň go­wu­sy, ary ba­ly­ny peý­da­la­nyň. Çün­ki süý­jä we şo­ko­la­da ga­ra­nyň­da, ary ba­ly diş syr­ça­sy­na zy­ýan ýe­tir­me­ýär we diş­le­riň eti­ni go­ra­ýar. Bal­ly ary öý­jük­le­ri­ni çeý­ne­mek hem di­şiň ýü­zün­dä­ki ör­tük­le­ri aýyr­ýar we bak­te­ri­ýa­la­ryň kö­pel­me­gi­niň öňü­ni al­ýar.
Her gün­de 1,5-2 litr suw iç­mek sag­ly­gy berkidýär. Be­den­de su­wuň azal­ma­gy tüý­kü­li­giň ýe­ter­lik muk­da­ry­ny ön­dür­mek­de päs­gel ber­ýär. Çün­ki tüý­kü­lik agyz boş­lu­gy­ny aras­sa­la­ýar we ýa­kym­syz ys­la­ry aýyr­ýar. Sy­ra­ty­ňy sak­la­mak we diş­le­ri­ňi go­ra­mak üçin şe­ker­den we gaz­ly so­wuk iç­gi­ler­den ga­ça du­ruň.

Gyzykly bolup bilerЕЩЕ ОТ АВТОРА