Af­ri­ka­nyň ýaş­la­ry gu­jur­ly­ly­gy hem-de ýag­ty gel­je­ge, üs­tün­li­ge ynan­ýan röwşen pikirleri bi­len tä­ze eý­ýa­ma – dur­nuk­ly ösü­şe ok­gun­ly ga­dam bas­ýar. Bir­le­şen Mil­let­ler Gu­ra­ma­sy Af­ri­ka Bi­le­le­şi­gi bi­len hyz­mat­daş­lyk­da yk­ly­myň me­se­le­le­ri­ni çöz­mä­ge ta­gal­la ed­ýär we ile­ri tu­tul­ýan tas­la­ma­la­ra äh­mi­ýet ber­ýär. Bu ba­ra­da BMG-niň baş sek­re­ta­ry An­to­niu Gu­ter­reş mä­lim et­di.
BMG-niň baş­tu­ta­ny Af­ri­ka bi­le­le­şi­gi­niň şu ýyl dö­re­dil­me­gi­niň 56 ýyl­ly­gy­ny bel­län­di­gi­ni aýdyp, bu yklym bi­len hyz­mat­daş­lyk­da uly ösüş­le­riň bo­lup ge­çen­di­gi­ni belledi.
An­to­niu Gu­ter­reş pa­ra­hat­çy­ly­ga ýar­dam ber­mek bo­ýun­ça ber­jaý edil­ýän iş­leriň, dur­nuk­ly ösüş bo­ýun­ça tas­la­ma­laryň we daş­ky gur­şa­wyň üýt­ge­me­gi­niň ýa­ra­maz tä­sir­le­ri bi­len gö­reş bo­ýun­ça iki gu­ra­ma­nyň her ýyl­da ge­çir­ýän bi­le­lik­dä­ki mas­la­hat­la­rynyň ne­ti­je­li bolandygyny nygtady.
Af­ri­ka ýurt­la­ry­nyň ho­wa­nyň üýt­ge­me­gi­niň ýa­ra­maz ne­ti­je­le­ri­ne gar­şy gö­reş­de tä­si­ri on­çak­ly köp bol­ma­sa-da, yk­lym bu ugur­da çyn­la­kaý ta­gal­la ed­ýär. Eger-de gys­ga wag­tyň için­de ýy­la­dyş­ha­na gaz­la­ry­nyň ho­wa zy­ňyl­ma­gy­ny azalt­mak adam­za­da ba­şart­ma­sa, on­da onuň çyn­la­kaý ne­ti­je­le­ri Af­ri­ka yk­ly­myn­da hem duý­lar. Baş sek­re­tar bi­le­lik­dä­ki ta­gal­la­la­ry bi­rik­di­rip, iki­ta­rap­la­ýyn ynam esa­syn­da yk­ly­myň öňün­dä­ki me­se­le­le­ri çöz­mek mak­sa­dy bi­len BMG-niň we Af­ri­ka Bi­le­le­şi­gi­niň ara­syn­da­ky stra­te­gik hyz­mat­daş­ly­gy has-da ber­kit­mä­ge ça­gyr­dy.
Ge­çen ýyl 55 ag­za­dan yba­rat bo­lan Af­ri­ka Bi­le­le­şi­gi­niň 49 ag­za­sy Af­ri­ka yk­ly­my­nyň er­kin söw­da zo­la­gy­ny dö­ret­mek ha­kyn­da­ky yla­la­şy­ga gol çek­di­ler. Af­ri­ka Bi­le­le­şi­gi­niň be­ýa­na­ty­na gö­rä, Af­ri­ka yk­ly­my­nyň er­kin söw­da zo­la­gy 1,2 mil­liard ilat­ly we mil­li gir­de­ji­si 2,5 tril­li­on dol­la­ra ba­ra­bar bo­lan af­ri­kan ba­zar­ly dün­ýä­niň iň iri er­kin söw­da zo­la­gy bo­lar.

Gyzykly bolup bilerЕЩЕ ОТ АВТОРА