Pe­ki­niň Bü­ti­ndün­ýä bag­ban­çy­lyk ser­gi­si “EKS­PO-2019”-a Be­ýik Bri­ta­ni­ýa­nyň gat­naş­ma­gy iki ýur­duň “ýa­şyl” ösüş, ener­gi­ýa äti­ýaç­lyk­la­ry­ny tyg­şyt­la­mak, taş­lan­dy­la­ry azalt­mak we beý­le­ki ugurlar bo­ýun­ça hyz­mat­daş­ly­gyň ber­ke­me­gi­ne ýar­dam be­rer. Bu ba­ra­da Be­ýik Bri­ta­ni­ýa­nyň Hal­ka­ra söw­da­sy mi­nistr­li­gi­niň he­mi­şe­lik sek­re­ta­ry An­to­ni­a Ro­meo mä­lim et­di. Hal­ka­ra söw­da­sy mi­nistr­li­gi EKS­PO ser­gi­si­niň esa­sy myh­ma­ny bo­lup, on­da Be­ýik Bri­ta­ni­ýa­nyň pa­wil­o­ny ser­gä ge­lip gör­ýän­le­riň müň­ler­çe­si­niň ün­sü­ni özü­ne çek­di.
An­to­ni­a Ro­meo­nyň aýtmagyna gö­rä, Pe­kin­de ge­çi­ril­ýän EKS­PO-2019 Be­ýik Bri­ta­ni­ýa­nyň bag­ban­çy­lyk bo­ýun­ça ýo­ka­ry de­re­je­si­ni we onuň “ýa­şyl” in­no­wa­si­ýa bo­ýun­ça müm­kin­çi­lik­le­ri­ni gör­kez­mek üçin oňat şert dö­ret­di. – Biz bu ser­gi ar­ka­ly ýur­du­my­zyň bu ugur­da­ky ga­za­nan müm­kin­çi­lik­le­ri­ni bü­tin dün­ýä gör­kez­mek is­le­ýä­ris. Lon­don dur­nuk­ly ösüş, dur­nuk­ly oba ho­ja­ly­gy we beý­le­ki “ýa­şyl” teh­no­lo­gi­ýa­lar bo­ýun­ça dün­ýä li­de­ri bol­ma­ga ta­gal­la ed­ýär – di­ýip, An­to­ni­a Ro­meo bel­le­di. Ol iki ýur­duň ho­wa zy­ňyl­ýan zy­ýan­ly mad­da­la­ryň möç­be­ri­ni azalt­mak­da, daş­ky gur­şa­wy go­ra­mak­da hem-de Ýer to­ga­la­gy­nyň gül­läp ösü­şi­ne go­şant goş­mak­da ýyg­jam hyz­mat­daş­lyk edip bil­jek­dik­le­ri­ni sö­zü­niň üs­tü­ne goş­dy.
Ozal ha­bar ber­li­şi ýa­ly, 28-nji ap­rel­de Hy­ta­ýyň paý­tag­ty Pe­kin­de Hal­ka­ra bag­ban­çy­lyk ser­gi­si EXPO – 2019 öz işi­ne baş­la­dy. Ser­gi “Gök ösüm­lik­ler bi­len oňat ýa­şa” at­ly şy­gar as­tyn­da 7-nji okt­ýab­ra çen­li do­wam ed­ýär. Bu çä­rä ýurt­la­ryň 86-sy we hal­ka­ra gu­ra­ma­la­ryň 24-si gat­na­şyp, bag­çy­lyk we se­ýil­gäh ug­run­dan öz bi­lim­le­ri­ni, däp­le­ri­ni, in­no­wa­si­on teh­no­lo­gi­ýa­la­ry­ny hö­dür­le­ýär­ler. Ser­gi­niň çäk­le­rin­de 220 müň­den gow­rak gy­rym­sy agaç­lar we köp san­ly gül­ler gör­ke­zil­ýär. Bu ýer­dä­ki ser­gi meý­dan­çalarynda dün­ýä bag­ban­çy­ly­gy­nyň iň go­wy nus­ga­la­ry hödürlen­ýär. Ser­gä gat­naş­ýan ýurt­lar mil­li bag­ban­çy­ly­gyň aý­ra­tyn­lyk­la­ry bi­len bu ýe­re gel­ýän­le­ri ta­nyş­dyr­ýar­lar.

Gyzykly bolup bilerЕЩЕ ОТ АВТОРА