Ýew­ro­pa Bi­le­le­şi­gi ýurt­la­ry­nyň we­kil­le­ri Hal­ka­ra Pul Gaz­na­sy­nyň ýol­baş­çy­sy we­zi­pe­si­ne bol­ga­ri­ýa­ly we­kil Kris­ta­li­na Ge­or­gi­ýe­wa­ny saý­la­dy. Saý­law­lar elekt­ron poç­ta ar­ka­ly fran­suz ma­li­ýe eda­ra­sy ta­ra­pyn­dan ge­çi­ril­di. Da­laş­gär­iň Ýew­ro­pa Bi­le­le­şi­gi ýurt­la­ry­nyň 16-sy­nyň ök­de hü­när­li köp­çü­li­gi­niň 55 gö­te­rim gol­da­wy­na eýe bol­ma­gy bäs­deş­li­giň esa­sy şer­ti bo­lup, oňa Ýew­ro­pa Bi­le­le­şi­gi­niň ila­ty­nyň 65 gö­te­ri­mi düş­ýär. Bäs­le­şi­giň soň­ky tap­gyr­y Kris­ta­li­na Ge­or­gi­ýe­wa bi­len Ni­der­land­la­ryň we­ki­li Ýe­run Deýs­selb­lu­myň ara­syn­da do­wam et­di. Ge­or­gi­ýe­wa­nyň ýe­ň­şi di­ňe ses ber­li­şi­giň dör­dün­ji tap­gy­ryn­da ba­şa bar­dy. Da­laş­gär­le­re ses ber­li­şik 12 sa­gat­dan gow­rak wagt do­wam et­di.
Kris­ta­li­na Ge­or­gi­ýe­wa 1953-nji ýy­lyň 13-nji aw­gus­tyn­da So­fi­ýa­da dog­lan, bol­gar yk­dy­sa­dy­ýet­çi­si, pro­fes­sor, dur­nuk­ly ösüş bo­ýun­ça bi­ler­men. Ol 2010-2014-nji ýyl­lar ara­ly­gyn­da hal­ka­ra hyz­mat­daş­ly­gy bo­ýun­ça ýew­ro­ko­mis­sar, 2014-nji ýy­lyň no­ýab­ryn­dan 2016-njy ýy­lyň de­kab­ry­na çen­li Ýew­ro­pa Ko­mis­si­ýa­sy­nyň baş­ly­gy­nyň üçün­ji orun­ba­sa­ry we­zi­pe­sin­de iş­le­di. Ol 2017-nji ýyl­dan bä­ri Bü­tin­dün­ýä ban­ky­nyň ýe­ri­ne ýe­ti­ri­ji baş­ly­gy­nyň we­zi­pe­si­ni eýe­le­ýär. Onuň da­laş­gär­li­gi, esa­san hem, Fran­si­ýa­da iş­jeň gol­daw tap­dy.
Hal­ka­ra Pul Gaz­na­sy­nyň ýe­ri­ne ýe­ti­ri­ji ge­ňe­şi ta­ra­pyn­dan 26-njy iýul­da Kris­tin La­gar­dyň ýe­ri­ne ban­kyň tä­ze baş­ly­gy­nyň we­zi­pe­si­ne saý­la­wyň baş­lan­ýan­dy­gy ba­ra­da ha­bar be­rlip­di. Ozal ha­bar ber­li­şi ýa­ly, Kris­tin La­gard öz da­laş­gär­li­gi­niň Ýew­ro­pa­nyň mer­ke­zi ban­ky­nyň ýol­baş­çy­ly­gy­na hö­dür­le­nen­di­gi üçin 2-nji iýul­da iş­den gid­ýän­di­gi­ni mä­lim edip­di. Ýö­ne ol hä­zir­ki we­zi­pe­sin­den 12-nji sent­ýabr­da res­mi taý­dan çeki­ler.
Il­ki­baş­da Ýew­ro­pa Bi­le­le­şi­gi­niň ýurt­la­ry ta­ra­pyn­dan Hal­ka­ra Pul Gaz­na­sy­nyň we­zi­pe­si­ne Bü­tin­dün­ýä ban­ky­nyň baş ýe­ri­ne ýe­ti­ri­ji di­rek­to­ry, bol­ga­ri­ýa­ly ze­nan Kris­ta­li­na Ge­or­gi­ýe­wa, Ýew­ro­to­pa­ryň ozal­ky baş­ly­gy we Ni­der­land­la­ryň ozal­ky ma­li­ýe mi­nist­ri Ýe­run Deýs­selb­lum, Is­pa­ni­ýa­nyň yk­dy­sa­dy­ýet we biz­nes mi­nist­ri Na­di Kal­wi­no, por­tu­ga­li­ýa­ly Ýew­ro­to­pa­ryň hä­zir­ki baş­ly­gy Ma­rio Sen­te­no­ny we Finl­ýan­di­ýa­nyň Mer­ke­zi ban­ky­nyň baş­ly­gy Ol­li Ren ýa­ly bäş da­laş­gär hö­dür­len­di.

Gyzykly bolup bilerЕЩЕ ОТ АВТОРА