Ge­çen ýyl Da­ni­ýa özü­niň elekt­rik ener­gi­ýa­sy­na bo­lan ze­rur­ly­gy­nyň deň ýa­ry­sy­na go­la­ýy­ny ýel ener­gi­ýa­sy­nyň ha­sa­by­na üp­jün edip, re­kord goý­dy. Da­ni­ýa 2019-njy ýyl­da ener­gi­ýa­nyň 47 gö­te­ri­mi­ni ýel be­ket­le­rin­den al­yp­dyr. 2018-nji ýyl­da bu gör­ke­zi­ji 41 gö­te­ri­me deň bo­lup, ýurt­da ýel ener­gi­ýa­sy­nyň sarp edi­li­şi bar­ha art­ýar.

Ýe­ri ge­len­de ýat­lap geç­sek, Ýew­ro­pa ýurt­la­ry ýel ener­gi­ýa­sy­ny ulan­mak­da dün­ýä­de öň­de­li­gi eýe­le­ýär­ler, ýö­ne Da­ni­ýa bu ugur­da has öňe saý­lan­ma­gy ba­şar­dy. “Win­dEu­ro­pe” bir­le­şi­gi­niň mag­lu­mat­la­ry­na la­ýyk­lyk­da, Da­ni­ýa 2018-nji ýyl­da ener­gi­ýa­nyň 28 gö­te­ri­mi­ni ýel­den alan Ir­lan­di­ýa­dan ep-es­li öňe saý­lan­ma­gyň höt­de­sin­den gel­di. Bu bir­le­şi­giň mag­lu­mat­la­ry­na gö­rä, Ýew­ro­pa Bi­le­le­şi­gin­de ýel ener­gi­ýa­sy­nyň pa­ýy ge­çen ýyl umu­my­lyk­da 14 gö­te­ri­me deň bo­lup­dyr. Da­ni­ýa­da ýel ener­gi­ýa­sy­nyň pa­ýy­nyň bar­ha art­ma­gy­ny De­mir­ga­zyk deň­zin­dä­ki “Horns Rev 3” at­ly ýel elekt­rik be­ke­din­de şwed kom­pa­ni­ýa­sy “Vat­ten­fall”-yň ge­çen ýy­lyň aw­gust aýyn­dan bä­ri bu ugur­da iş alyp bar­ma­gy bi­len bag­la­nyş­dy­ryl­ýar.

Mah­la­sy, Da­ni­ýa zy­ýan­ly gaz­la­ryň ho­wa zy­ňyl­ma­gy­ny 2030-njy ýy­la çen­li 70 gö­te­ri­me go­laý azalt­ma­ga ta­gal­la ed­ýär. 2019-njy ýy­lyň ahy­ryn­da ho­wa­nyň üýt­ge­me­gi­niň ýa­ra­maz tä­sir­le­ri­ni pe­selt­mä­ge gö­nük­di­ri­len tä­ze ka­rar ka­bul edi­lip, on­da ener­gi­ýa­nyň 100 gö­te­ri­mi­niň tä­ze­len­ýän çeş­me­le­r­den alyn­ma­gy göz öňün­de tu­tul­ýar. Hä­zir­ki wagt­da bu ýurt öz çäk­le­rin­de ýel tur­bi­na­la­ry­ny ön­dür­mek bo­ýun­ça dün­ýä­niň iň iri kom­pa­ni­ýa­la­ry­nyň bi­ri bo­lan “Ves­tas”-yň ýer­leş­ýän­li­gi bi­len ta­nal­ýar. Şeý­le hem pa­ty­şa­ly­gyň oňaý­ly ho­wa şert­le­ri bo­lup, ge­çen asy­ryň 70-nji ýyl­la­ryn­dan bä­ri ýel ener­gi­ýa­sy­na ep-es­li de­re­je­de ma­ýa go­ýum­la­ry­ny gö­nük­di­rip ug­ra­dy.

Mun­dan ozal, “Go­og­le” ame­ri­kan kor­po­ra­si­ýa­sy ýa­şyl teh­no­lo­gi­ýa­ny ulan­mak bo­ýun­ça stra­te­gi­ýa­sy­nyň çäk­le­rin­de Ýew­ro­pa­da­ky Gün ba­ta­re­ýa­la­ry­nyň par­ky­na mil­liard dol­lar­dan gow­rak ma­ýa goý­jak­dy­gy­ny ha­bar be­rip­di. Kor­por­asi­ýa şol park­la­ryň bä­şi­si­niň Da­ni­ýa­da gu­rul­jak­dy­gy­ny tas­syk­lap­dy.

Gyzykly bolup bilerЕЩЕ ОТ АВТОРА