Hä­zir­ki wagt­da ýur­du­myz­da 2019 – 2025-nji ýyl­lar­da san­ly yk­dy­sa­dy­ýe­ti ös­dür­me­giň Kon­sep­si­ýa­sy­na la­ýyk­lyk­da, tä­ze­çil ul­ga­my we mag­lu­mat-kom­mu­ni­ka­si­ýa teh­no­lo­gi­ýa­sy­ny or­naş­dyr­mak bi­len bag­la­ny­şyk­ly ylym hem-de bi­lim ul­gam­la­ryn­da uly iş­ler al­nyp ba­ryl­ýar. Hä­zir­ki bi­lim ul­ga­my­ny sanly­laş­dyr­mak, mag­lu­mat-kom­mu­ni­ka­si­ýa teh­no­lo­gi­ýa­sy bo­ýun­ça ýo­ka­ry hü­när­li iş­gär­le­ri taý­ýar­la­mak bo­ýun­ça ze­rur iş­ler ber­jaý edil­ýär. Il bäh­bit­li bu iş­de mag­lu­mat teh­no­lo­gi­ýa­sy aý­ra­tyn orun eýe­läp, san­ly ul­ga­my ös­dür­mä­ge uly iter­gi ber­ýär.

Mag­lu­mat teh­no­lo­gi­ýa­sy – bu söz köp wagt­dan bä­ri bi­ze ta­nyş bo­lup, hä­zir­ki za­man adam­sy­nyň dur­mu­şy­na mä­käm or­naş­dy. Çün­ki hä­zir­ki za­man dün­ýä­si­niň alyp bar­ýan iş­le­ri­ mag­lu­mat teh­no­lo­gi­ýa­sy ar­ka­ly ta­kyk be­ýan edil­ýär. Ýö­ne, “Mag­lu­mat teh­no­lo­gi­ýa­sy nä­me?” di­ýen so­wa­lyň bir­ba­da köp­le­ri kyn ýag­daý­da goý­ýan ha­lat­la­ry bol­ýar. Ge­liň, on­da özü­mi­zi şeý­le oňaý­syz ýag­daý­dan ha­las et­mä­ge çal­şyp, mag­lu­mat teh­no­lo­gi­ýa­sy ba­ra­da­ky dü­şün­jä­mi­zi çuň­laş­dy­ra­lyň!
Mag­lu­mat teh­no­lo­gi­ýa­sy (IT) mag­lu­mat­la­ry top­la­mak, sak­la­mak, iş­läp taý­ýar­la­mak we ýaý­rat­mak üçin ula­nyl­ýan usul­la­ryň we se­riş­de­le­riň je­mi­dir. Hä­zir­ki wagt­da adam­za­dyň alyp bar­ýan iş­le­ri, şeý­le teh­no­lo­gi­ýa­la­ra gö­nü­den-gö­ni bag­ly bo­lup, olar bir­syh­ly ös­dü­ril­ýär. Mag­lu­mat teh­no­lo­gi­ýa­sy bo­ýun­ça iş­gär­ler ýa-da “aý­ti­çi­ler” diý­lip, at­lan­dy­ryl­ýan köp san­ly hü­när­men­ler, bu ugur­da uly ösüş­le­ri ama­la aşyr­mak üçin ta­gal­la ed­ýär­ler. Ola­ryň işi komp­ýu­ter teh­no­lo­gi­ýa­sy bi­len bag­la­ny­şyk­ly bo­lup, bir­nä­çe to­par­la­ra bö­lün­ýär­.
Komp­ýu­ter teh­no­lo­gi­ýa­sy we beý­le­ki teh­ni­ki en­jam­lar bi­len iş sa­lyş­ýan hü­när­men­ler.
Komp­ýu­ter we beý­le­ki ha­sap en­jam­la­ry üçin, prog­ram­ma üp­jün­çi­li­gi­ni dö­red­ýän hü­när­men­ler.
Taý­ýar mag­lu­mat önüm­le­ri bi­len iş sa­lyş­ýan hü­när­men­ler.
Il­kin­ji iki to­pa­ryň we­kil­le­ri­niň yg­ty­ýa­ryn­da komp­ýu­ter teh­no­lo­gi­ýa­sy bo­lup, adam­za­dyň mag­lu­mat­la­ry haý­sy tär bi­len ug­ra­dyp hem-de alyp bil­jek­di­gi, di­ňe ola­ra bag­ly bo­lup dur­ýar. My­sal üçin, oňa komp­ýu­ter en­jam­la­ry­ny iş­läp dü­zü­ji in­že­ner­ler, ul­gam­la­ýyn iş do­lan­dy­ry­jy­lar, dür­li ugur­lar bo­ýun­ça prog­ram­ma­çy­lar, prog­ram­ma üp­jün­çi­li­gi­ni sy­nag­dan ge­çi­ri­ji­ler, saýt taý­ýar­laý­jy­lar, mag­lu­mat howp­suz­ly­gy bo­ýun­ça hü­när­men­ler gir­ýär.
Üçün­ji to­pa­ra bol­sa, web-prog­ram­ma­çy­lar, web-di­zaý­ner­ler, maz­mun-do­lan­dy­ry­jy­lar, in­ter­net tas­la­ma­la­ry­nyň me­ne­jer­le­ri, göz­leg bo­ýun­ça hü­när­men­ler gi­rip, olar taý­ýar mag­lu­mat­lar bi­len iş­le­ýär­ler. Olar, esa­san, al­nan mag­lu­ma­ty top­la­mak, düz­mek, be­ze­mek we re­je­le­mek ýa­ly iş­ler bi­len meş­gul­lan­ýar­lar.
Hä­zir­ki wagt­da is­len­dik eda­ra-kärhanalara na­zar aý­la­sak, ola­ryň hiç bi­ri­si­niň hem komp­ýu­ter teh­no­lo­gi­ýa­syn­dan üz­ňe däl­di­gi­ne göz ýe­ti­re­ris. Hat­da mag­lu­mat teh­no­lo­gi­ýa­sy bi­len on­çak­ly iş sa­lyş­ma­ýan köp san­ly şe­re­ket­le­riň hem komp­ýu­ter en­jam­la­ryn­dan go­wy baş çy­kar­ýan hü­när­men­le­ri bar. Bu bol­sa, mag­lu­mat teh­no­lo­gi­ýa­sy bi­len iş­le­ýän hü­när­men­le­re has uly ze­rur­ly­gyň bar­dy­gy­na gü­wä geç­ýär.
Bi­ler­men­ler ýa­kyn ýyl­lar­da in­ter­net we mo­bil prog­ram­ma­la­ry­ iş­läp düz­ýän hü­när­men­le­re ze­rur­ly­gyň has-da art­jak­dy­gy­ny çak­la­ýar­lar. Ýö­ne eý­ýäm, nus­ga­wy ha­la ge­len ozal­ky ula­ny­lyp gel­ýän prog­ram­ma üp­jün­çi­li­gi­niň hiç ha­çan öz äh­mi­ýe­ti­ni ýi­tir­me­jek­di­gi öňe sü­rül­ýär.
Mag­lu­mat teh­no­lo­gi­ýa­sy tiz üýt­gäp dur­ýan gur­şaw bo­lup, on­da ýy­gy-ýy­gy­dan köp san­ly tä­ze­çil çe­me­leş­me­ler, tas­la­ma­lar, üýt­ge­şik­lik­ler bo­lup dur­ýar. My­sal üçin, ara­gat­na­şyk ul­ga­myn­da dür­li hyz­mat tor­la­ry, şol san­da, mo­bil ara­gat­na­şyk to­ru­nyň bä­şin­ji nes­li peý­da bo­lup, ge­l­jek­de ol has uly ösüş­le­re eýe bo­lar. Hä­zir­ki wagt­da mag­lu­mat teh­no­lo­gi­ýa­sy pu­da­gyn­da teh­no­lo­gi­ýa­la­ry iş­läp düz­mek we ola­ry ön­dür­mek bo­ýun­ça anyk ugur­lar peý­da bo­lup, olar bar­ha kä­mil­leş­ýär.

Gyzykly bolup bilerЕЩЕ ОТ АВТОРА