Italiýanyň gü­nor­ta­syn­da­ky ga­dy­my Rim şä­he­ri Pom­pei­de ja­han­keş­de­le­riň ba­ryp gör­me­gi üçin ýe­ne-de üç bi­na abat­la­nyp, ulan­ma­ga be­ril­di. Bu ba­ra­da Pom­pei­niň bi­na­gär­lik eda­ra­sy­nyň res­mi saý­tyn­da mä­lim edil­ýär. Bu bi­na­lar “Casa deg­li Aman­ti”, “Casa del Frut­te­to” we “Casa del­la Nave Eu­ro­pa” diý­lip at­lan­dy­ryl­ýar. Olar al­ty ýy­lyň do­wa­myn­da abat­lan­dy.
“Casa deg­li Aman­ti” has abat sak­la­nyp ga­lan bi­na bo­lup, di­wa­ryň ýü­zü­ne çe­ki­len dür­li su­rat­la­ry we na­gyş­la­ry bi­len bu ýe­re ge­lip gör­ýän­le­ri ga­dy­my­ýe­tiň alys­lyk­la­ry­na atar­ýar.
“Casa del Frut­te­to” bi­na­sy öz­bo­luş­ly dä­li­zi, ýa­şyl gur­şa­wy we di­wa­ra çe­ki­len owa­dan reňk­li na­gyş­la­ry bi­len ta­pa­wut­la­nyp, on­da­ky tä­sin şe­kil­ler bu ýe­re gel­ýän­le­riň ün­sü­ni özü­ne çek­ýär.
“Casa del­la Nave Eu­ro­pa” bi­na­syn­da bol­sa at­lar sak­la­nyp­dyr. Bu bi­na mi­la­dy­dan öň, bi­rin­ji asy­rda gur­lup­dyr diý­lip, çak­la­nyl­ýar.
“Ba­la­ry­la­ryň gü­li söý­şi dek, söý­gi bi­len ýa­şaň, goý, si­ziň dur­mu­şy­ňyz asal ýa­ly şi­rin bol­sun!” di­ýlip, bu bi­na­nyň di­war­yna la­tyn di­lin­de ýa­zy­lyp­dyr.
Rim sun­ga­ty­nyň ýa­dy­gär­lik­le­ri­ni abat­laý­jy­la­ryň ta­gal­la­sy bi­len Pom­pei­dä­ki bi­na­lar ikin­ji öm­rü­ne eýe bol­ýar­. Abat­la­ýyş iş­le­ri Ýew­ro­pa gaz­na­sy­nyň ha­sa­by­na ma­li­ýe­leş­di­ril­ýän “Uly Pom­pei” tas­la­ma­sy­nyň çäk­le­rin­de ama­la aşy­ryl­ýar. Ta­ry­hy mag­lu­mat­lar­dan bel­li bol­şu­na gö­rä, bu şä­her mi­la­dy­nyň 79-njy ýy­ly­nyň 24-nji aw­gus­tyn­da tu­tuş­ly­gy­na di­ýen ýa­ly We­zu­wi­ý wul­ka­ny­nyň as­tyn­da gal­ýar. Mi­la­dy­dan 6 asyr öň esas­lan­dy­ry­lan, Ita­li­ýa­nyň çäk­le­rin­dä­ki ga­dy­my şä­her Pom­pei­niň ga­lyn­dy­la­ry hä­zir­ki wagt­da ÝU­NES­KO-nyň Bü­tin­dün­ýä mi­ra­sy­nyň sa­na­wy­na gi­ri­zi­len. 1748-nji ýyl­da baş­lan ga­zuw-ag­ta­ryş iş­le­ri hä­zir­ki gün­le­re çen­li do­wam edip, şä­he­riň syr­la­ry­nyň 80 gö­te­ri­me go­la­ýy­nyň üs­ti açyl­dy.
Hä­zir­ki wagt­da Ita­li­ýa­nyň we Ýew­ro­pa Bi­le­le­şi­gi­niň ga­dy­my Pom­pe­i şä­he­ri­ni gaý­ta­dan di­kelt­mek bo­ýun­ça bi­le­lik­dä­ki mak­sat­na­ma­sy do­ly güý­jün­de do­wam et­di­ril­ip, ja­han­keş­de­le­riň bu me­ka­na ge­lip gör­me­gi üçin abat­la­nan yma­rat­la­ryň sa­ny 30-dan geç­di. Mag­lu­mat­la­ra gö­rä, her ýyl­da bu ga­dy­my şä­he­re 3-4 mil­li­on adam ara­ly­gyn­da ja­han­keş­de gel­ýär. Öz­bo­luş­ly ýag­ty­lan­dy­ryş ul­ga­my ar­ka­ly, bu şä­he­re gi­je­le­ri­ne-de to­ma­şa edip bol­ýar. Ýag­ty­ly­gyň tä­si­ri bi­len ga­dy­my şä­her has syr­ly gör­nü­şe eýe bol­ýar. Gu­ra­ma­çy­lar bu ýe­re gel­mä­ge is­leg bil­dir­ýän­le­riň äh­li­si üçin bu ga­dy­my Rim şä­he­ri­niň gö­mül­mez­den ozal­ky­ gör­nü­şi­ni göz öňü­ne ge­ti­rip bil­mek­le­ri üçin aý­ra­tyn ul­gam iş­läp dü­züp­dir­ler.

Gyzykly bolup bilerЕЩЕ ОТ АВТОРА