Gin­ne­siň re­kord­lar ki­ta­byn­da­ky gy­zyk­ly mag­lu­mat­lar hem­me­le­riň ün­sü­ni özüne çek­ýär. Ki­ta­pda köp san­ly bö­lüm­ler bo­lup, şo­la­ryň bi­rin­de hem be­dew­le­re orun ber­lip­dir. Bu ki­ta­ba dür­li ugur­la­ry, dür­li aý­ra­tyn­lyk­la­ry hem-de dür­li ta­pa­wut­ly ta­rap­la­ry bi­len gi­ri­zi­len be­dew­ler ba­ra­da­ky mag­lu­mat­la­ry si­ziň dyk­ga­ty­ňy­za ýe­tir­mek is­le­ýä­ris.
Hor­mat­ly Pre­zi­den­ti­mi­ziň Ak­han at­ly be­de­wi Gin­ne­siň re­kord­lar ki­ta­byn­da öz my­na­syp or­nu­ny al­dy. Ak­han 2018-nji ýy­lyň 29-njy iýu­nyn­da 10 metr ara­ly­gy iki aýa­gy­nyň üs­tün­de dik du­rup 4,19 se­kunt­da ge­çip, dün­ýä re­kor­dy­ny tä­ze­le­mek bi­len, Gin­ne­siň Bü­tin­dün­ýä re­kord­lar ki­ta­by­na gir­di.
De­zert at­ly arap aty 10 metr ara­ly­gy iki aýa­gy­nyň üs­tün­de dik du­rup, 9,21 se­kunt­da ge­çip, bu ki­tap­da or­u­n al­dy.
2013-nji ýy­lyň 10-njy aw­gus­tyn­da Mon­go­li­ýa­da ge­çi­ri­len 1000 ki­lo­metr­lik at ça­py­şy­gy dün­ýä­niň iň uzyn we köp­çü­lik­le­ýin at ça­py­şy­gy hök­mün­de Gin­ne­siň re­kord­lar ki­ta­by­na gir­di. Bu ça­py­şy­gy Be­ýik Bri­ta­ni­ýa­nyň ýa­şaý­jy­sy La­ra Prior-Pal­mer ga­zan­dy.
Sietl Dan­ser at­ly be­dew iň gym­mat sa­ty­lan at hök­mün­de bu ki­tap­da öz or­nu­ny al­dy. 1984-nji ýyl­da dog­lan meş­hur be­dew 1985-nji ýy­lyň iýu­lyn­da 13,1 mil­li­on dol­la­ra sa­tyn alyn­dy (hä­zir­ki wagt­da bu muk­dar 30,5 mil­li­on dol­la­ra ba­ra­bar­dyr).
Po­ni to­hum­ly at­la­ryň ara­syn­da iň uzak ýa­şa­ny Şu­gar Paff at­ly be­dew bol­dy. Ol 1951-nji ýyl­da Be­ýik Bri­ta­ni­ýa­da dün­ýä in­di we 56 ýyl ýa­şap, 2007-nji ýyl­da ara­dan çyk­dy.
Bü­tin­dün­ýä at­çy­lyk oýun­la­ry­na gat­naş­ma­gyň re­kor­dy ni­der­land­ly meş­hur tür­gen An­ki Wan Grüns­we­ne de­giş­li­dir. Ol 1990-njy ýyl­dan 2010-njy ýy­la çen­li yz­ly-yzy­na al­ty ge­zek gat­na­şan ýe­ke-täk tür­gen­dir.
11 müň 125 atyň gat­naş­an iň uly at­ly ýö­ri­şi 2013-nji ýy­lyň 9-njy aw­gus­tyn­da Mon­go­li­ýa­da ge­çi­ril­di. Bu ýö­riş­de da­ba­ra­ly ýag­daý­da 4 ki­lo­metr men­zil ge­çil­di.
Dün­ýä­dä­ki iň ga­dy­my at­ha­na Mü­sü­riň fa­rao­ny Ram­ses II-niň döw­rün­de (mi­la­dy­dan öň­ki 1304-1237-nji ýyl­lar) sö­weş, aw we dynç alyş üçin at­la­ry ös­dü­rip ýe­tiş­dir­mek mak­sa­dy bi­len gur­lup­dyr. Bu at­ha­na 1999-njy ýyl­da Nil der­ýa­synyň­ bo­ýundaky ga­dy­my Per-Ra­mses şä­he­rin­de ger­ma­ni­ýa­ly ar­heo­log Ed­gar Pu­şuň baş­tu­tan­ly­gyn­da­ky ne­mes-mü­sür ar­heo­lo­gi­ki to­pa­ry ta­ra­pyn­dan ta­pyl­dy.
2015-nji ýy­lyň 9-njy mar­tyn­da Gon­kong­da ori­ga­mi gör­nü­şin­de ýa­sa­lan at şe­kil­le­ri­niň 11 müň 817 sa­ny­sy­nyň iň uly ser­gi­si gör­ke­zil­di. Bu pi­kir Bel­gi­ýa­nyň ta­ny­mal su­rat­ke­şi Çarlz Kaý­si­ne de­giş­li­dir.

Aýjemal MEREDALYÝEWA,
S. A. Nyýazow adyndaky Türkmen oba hojalyk
uniwersitetiniň talyby.

Gyzykly bolup bilerЕЩЕ ОТ АВТОРА