28-nji iýun­da Pol­şa­da ge­çi­ri­len Pre­zi­dent saý­la­wyn­da da­laş­gär­le­riň hiç bi­ri-de ýe­ňiş ga­zan­mak üçin ze­rur bo­lan ses­le­ri alyp bil­me­di. Mag­lu­mat­la­ra gö­rä, do­lan­dy­ry­jy kon­ser­wa­tiw par­ti­ýa «Ka­nun we ada­lat» ta­ra­pyn­dan hö­dür­le­nen da­laş­gä­r, hä­zir­ki döw­let baş­tu­ta­ny An­jeý Du­da saý­law­çy­la­ryň 45%-den gow­ra­gy­nyň gol­da­wy­ny al­dy.
12-nji iýul­da ge­çi­ril­jek ikin­ji tap­gyr­da An­jeý Du­danyň esasy bäsdeşi «Ra­ýat plat­for­ma­sy» par­ti­ýa­sy­nyň da­laş­gä­ri, 30% se­se eýe bo­lan War­şa­wa­nyň hä­ki­mi Ra­fal Tşas­kows­kiý bo­lar.
Il­kin­ji ne­ti­je­le­ri yg­lan edi­len­soň, An­jeý Du­da bu ge­zek bi­rin­ji tap­gyr­da bäş ýyl ozal­ka ga­ra­nyň­da, has köp ses alan­dy­gy­ny aýt­dy. – Bi­ziň mak­sa­dy­myz mil­li bäh­bit­le­riň ile­ri tu­tul­ýan ýe­ri bo­lan Pol­şa – di­ýip, hä­zir­ki Pre­zi­dent aýt­dy.
Bi­rin­ji tap­gy­ra gat­na­şyk ýo­ka­ry de­re­je­de bo­lup, saý­law­çy­la­ryň 63%-i saý­law uças­to­gy­na gel­di. Syn­çy­lar in­di­ki bäs­le­şik­de da­laş­gär­le­riň iki­si­niň-de ýe­ňiş ga­zan­mak müm­kin­çi­li­gi­niň bar­dy­gy­ny bel­le­ýär­ler. Ge­çen ýyl do­lan­dy­ry­jy par­ti­ýa par­la­ment saý­law­la­ryn­da ab­sol­ýut köp­lü­ge eýe bol­dy. Ýurt­da 30 mil­li­on­dan gow­rak ra­ýa­tyň ses ber­mä­ge hu­ku­gy bo­lup, şo­lar­dan 387 mü­ňü­si da­şa­ry ýurt­lar­da ýa­şa­ýar. Pre­zi­dent saý­law­la­ry Pol­şa­da her bäş ýyl­dan bir ge­zek ge­çi­ril­ýär. 2015-nji ýyl­da An­jeý Du­da ikin­ji tap­gyr­da ge­çi­ri­len saý­law­lar­da 51,55% ses alyp, ýe­ňiş ga­za­nyp­dy. Oňa 8 mil­li­on 630 müň pol­şa­ly ra­ýat ses be­rip­di. Hä­zir­ki wagt­da Pol­şa­nyň ila­ty 38 mil­li­on­dan geç­ýär.

Gyzykly bolup bilerЕЩЕ ОТ АВТОРА