Ge­çen hep­dä­niň dynç gü­ni, ýag­ny 11-nji sent­ýabr­da Ýew­ro­pa Bi­le­le­şi­gi­niň ag­za­sy bo­lan Hor­wa­ti­ýa­da par­la­ment saý­la­wy ge­çi­ril­di. Ýur­duň döw­let saý­law ko­mi­te­ti par­la­ment saý­la­wy­nyň des­lap­ky ne­ti­je­le­ri­ni mä­lim et­di. Wag­tyn­dan öň ge­çi­ri­len saý­la­wyň ne­ti­je­sin­de, “Hor­wa­ti­ýa­nyň de­mok­ra­tik ar­ka­la­şy­gy (HDS) we hyz­mat­daş­la­ry” at­ly koa­li­si­ýa ýe­ňiş ga­zan­dy.
Ses­le­riň 92 gö­te­ri­mi­niň sa­na­lan­dy­gy­na ga­ra­maz­dan, saý­la­wyň gu­tar­nyk­ly ne­ti­je­le­ri mä­lim edil­me­di. Ýö­ne HDS-niň esa­sy bäs­deş­le­ri So­si­al-de­mok­rat­lar ola­ryň yzyn­dan ýe­tip bil­me­ýär. Ýur­duň döw­let saý­law ko­mis­si­ýa­sy­nyň des­lap­ky mag­lu­ma­ty­na gö­rä, HDS we onuň hyz­mat­daş­la­ry 151 orun­lyk par­la­ment­de 61 orun eýe­le­me­gi ba­şar­dy. So­si­al-de­mok­rat par­ti­ýa­sy­nyň esa­sy­ny düz­ýän Halk koa­li­si­ýa­sy ýur­duň ozal­ky Prem­ýer-mi­nist­ri Zo­ran Mi­la­no­wi­çiň ýol­baş­çy­ly­gyn­da 54 orun eýe­le­di. Li­be­ral-re­for­maçy par­ti­ýa­sy bol­sa 12 orun­da gal­dy.
HDS-niň ýol­baş­çy­sy And­reý Plen­ko­wiç saý­la­wyň ne­ti­je­le­ri yg­lan edi­len­den soň­ra eden çy­ky­şyn­da ýurt­da dur­nuk­ly hö­kü­me­ti düz­mek üçin par­la­men­tiň dü­zü­mi­ne gi­ren äh­li sy­ýa­sy par­ti­ýa­lar bi­len gep­le­şik­ler ge­çir­mä­ge taý­ýar­dyk­la­ry­ny mä­lim et­di. Onuň çy­ky­şy Hor­wa­ti­ýa­nyň HRT te­le­ýaý­ly­myn­da gö­ni ýaý­lym­da be­ril­di.
– Biz ýur­duň tä­ze hö­kü­me­ti­ni düz­mek üçin ta­gal­la ede­ris. No­bat­da­ky hö­kü­met ýur­duň ra­ýat­la­ry­nyň bäh­bit­le­ri esa­syn­da işi­ni alyp ba­rar. Ýew­ro­pa ug­ru­na has köp üns ber­ler. Ýaş­lar ba­ra­da köp­räk ala­da ede­ris. Oba et­rap­la­ry­ny ös­dür­mek üçin pul se­riş­de­le­ri­ni gö­nük­di­re­ris – di­ýip, And­reý Plen­ko­wiç gür­rüň ber­di.
11-nji sent­ýabr­da­ky saý­law ozal­ky saý­law­dan, ýag­ny 2015-nji ýy­lyň 8-nji no­ýabr­ynda­ky­dan 10 aý soň ge­çi­ril­di. Şu ýy­lyň ýan­war aýyn­da dü­zü­len hö­kü­met işi­ni ýa­rym ýyl do­wam et­dir­di. 16-njy iýun­da Hor­wa­ti­ýa­nyň Sa­bo­ry (par­la­men­ti) Prem­ýer-mi­nistr Ti­ho­mir Oreş­ko­wi­çiň hö­kü­me­ti­niň işi­niň ýa­ty­ry­lyp, möh­le­tin­den öň saý­law­la­ryň ge­çi­ril­me­gi ba­bat­da ka­rar ka­bul edip­di.
Döw­let saý­law ko­mis­si­ýa­sy­nyň mag­lu­ma­ty­na gö­rä, ýur­duň ila­ty­nyň 3,8 mil­lio­ny ses ber­di. Hor­wa­ti­ýa­nyň ila­ty­nyň sa­ny 4,235 mil­lio­na ba­ra­bar­dyr. Umu­man, saý­law­la­ra 2456 da­laş­gär gat­naş­dy, olar ýur­duň sy­ýa­sy par­ti­ýa­la­ry­na we­kil­çi­lik et­di.
Hor­wa­ti­ýa­nyň Sa­bo­ry – bir pa­la­ta­dan yba­rat. Onuň dü­zü­min­dä­ki de­pu­tat­lar 4 ýyl möh­le­te saý­lan­ýar. Par­la­ment­de 151 de­pu­tat bo­lup, ola­ryň 140-sy Hor­wa­ti­ýa­nyň ra­ýat­la­ryn­dan saý­lan­ýar. 3 sa­ny de­pu­tat da­şa­ry ýurt di­as­po­ra­sy­nyň dü­zü­min­dä­ki hor­wat­lar­dan saý­la­nyp alyn­ýar. 8 de­pu­tat mil­li az­lyk­la­ryň par­ti­ýa­la­ry­nyň ara­syn­dan saý­lan­ýar.

Gyzykly bolup bilerЕЩЕ ОТ АВТОРА