Awstriýada Alp daglarynyň eteginde erän garyň suwundan elektrik energiýasy öndürilýär.
Žiraflar şahly wagty dünýä inýän ýeke-täk jandar. Dünýäniň iň uzyn boýly jandarlarynyň şahynyň daşy ham bilen örtülen bolýar.
Pingwinler suwuň 300 metr çuňlugyna çenli çümýärler. Bu görkeziji Olimpiýa oýunlaryndaky ýüzülýän howuzlaryň çuňlugyndan 150 esse köpdür.
Antarktidada buzlaryň aşagynda 400 töweregi köl bar.
Deňizleriň we ummanlaryň Gün şöhlesi düşmeýän ýerlerinde ýaşaýan jandarlaryň 80 göteriminiň bedeni ýagtylyk saçýar.
Gün ulgamyndaky planetalaryň hersiniň dartyş güýji tapawutly bolýar. Marsdaky dartyş güýji Ýerdäkiden üç esse töweregi pes. Şol sebäpli Ýerde agramy 90 kilogram bolan adam Marsda 35 kilogram bolýar.
Wenera Gün ulgamynda sagat diliniň tersine aýlanýan ýeke-täk planetadyr.
Ýagyş damjasynyň şekili çekilen suratlarda görkezilişi ýaly aşagy tegelek, ýokarsy süýri däl-de, togalak şekilli bolýar.
Deňiz jandary bolan osminoglaryň aýaklarynyň biri haýsydyr bir sebäp bilen gopan ýagdaýynda gaýtadan ösüp çykýar.
Hameleonlaryň dili bedeninden iki esse uzyn bolýar.
Dünýä ilatynyň üçden iki bölegi hiç hili gar ýagmaýan ýerde ýaşaýar.
Ananas miwe däl-de, bakja ekini hasaplanýar.
