Yn­sa­nyň ýa­şaý­şy ene gu­ja­gyn­dan baş­lan­ýar. Enä­niň öz per­zen­di­ni ese-bo­ýa gal­dyr­ýan­ça ed­ýän uçur­syz ala­da­sy­ny hiç bir zäh­met bi­len de­ňäp bol­ma­sa ge­rek. Per­zen­di­niň sag­dyn, edep-ter­bi­ýe­li bo­lup ýe­tiş­me­gi ug­run­da he­niz ol do­gul­man­ka ala­da edip ug­ra­ýan enä­niň hor­mat-sy­la­gy­ny nä­dip öl­çäp bo­lar? Enä­niň ça­ga­sy üçin ke­rem-ke­ra­mat­dy­gy­na Be­şer Ha­fy al-Mer­we­zi­niň «Ene-ata­nyň per­zen­di­ne ed­ýän do­ga­la­ry bir py­gam­be­riň ym­ma­ty­na eden do­ga­sy ýa­ly­dyr» di­ýen söz­le­ri hem tas­syk­la­ýar.
Enä­niň sar­pa­sy­ny tu­tup, ony mu­kad­des­li­ge de­ňäp, was­py­ny ýe­tir­mä­ge sy­na­nyş­ma­dyk şa­hy­ra­na ýü­rek, me­ge­rem, ýok bol­sa ge­rek. Her bir iş­de bol­şy ýa­ly, dö­re­di­ji­lik­de hem bi­ze gö­rel­de mek­de­bi bo­lan hor­mat­ly Pre­zi­den­ti­mi­ziň «Enä tag­zym – mu­kad­des­li­ge tag­zym» at­ly ese­rini hal­ky­my­za ýe­tir­me­gi aja­ýyp bir wa­ka bol­dy. Hormatly Prezidentimiziň ese­rin­de ene mu­kad­des­li­gi­ne sar­pa goý­ma­gyň her bir yn­sa­nyň be­lent bor­ju­dy­gy aý­dyl­ýar hem-de şol mu­kad­des­li­ge do­ly göz ýe­tir­mä­ge, onuň ga­dyr-gym­ma­ty­ny bil­mä­ge ta­rap alyp bar­ýan ýol aý­dyň­lyk bi­len gör­ke­zil­ýär.
Yn­san sar­pa­sy­ny be­lent tut­ýan hormatly Prezidentimiziň «Enä tag­zym – mu­kad­des­li­ge tag­zym» at­ly ese­ri­niň «Söz­den baş­lan­ýan ägirt­lik», «Öý-oja­gyň gel­şi­gi», «Ene – ulus-iliň ene­si, çäk­siz hor­mat eýe­si», «Ene – döw­let­li­lik» at­ly çuň­ňur ma­ny-maz­mu­na ýug­ru­lan her bir bö­lü­min­de enä bo­lan be­lent buý­sanç, sar­pa, ga­dyr-gym­mat örbo­ýu­na gal­ýar. Ene mu­kad­des­li­gi be­ýik söz sun­ga­ty­nyň üs­ti bi­len çäk­siz yl­ham, joş­gun bi­len be­ýan edil­ýär. Eser­de ene baş­lan­gyç, äh­li za­dyň sa­ka­sy hök­mün­de su­rat­lan­dy­ryl­ýar. Ha­ky­kat­dan hem, her bir ene öz per­zen­di­ni dün­ýä ge­tir­mek bi­len, il­ki oňa ene di­li­ni öwredip, soň­ra ter­bi­ýe ber­mek bi­len, tä­ze bir dün­ýä­niň baş­lan­gy­jy­ny goý­ýar, tä­ze şah­sy­ýet öz ene­sin­den alan asyl­ly ah­la­gy, be­lent ter­bi­ýe­si, ýag­şy gö­rel­de­si esa­syn­da tu­tuş bir ýur­dy, bü­tin dün­ýä­ni öz­gert­mä­ge, has hem gö­zel­leş­dir­mä­ge ukyp­ly bol­ýar. Mu­nuň şeý­le­di­gi­ne, dün­ýä­niň gör­nük­li ýa­zy­jy-şa­hyr­la­ry­nyň, sun­gat adam­la­ry­nyň, döw­let iş­gär­le­ri­niň, hu­su­san hem, hut milli Liderimiziň my­sa­lyn­da aý­dyň göz ýe­ti­rip bil­ýä­ris.
Ese­riň «Söz­den baş­lan­ýan ägirt­lik» di­ýen bö­lü­mi­niň ba­şyn­da be­ril­ýän ro­wa­ýat­da ene pe­riş­de hök­mün­de su­rat­lan­dy­ryl­ýar. Ro­wa­ýat­da enä­niň aja­ýyp hä­si­ýet­le­ri, per­zen­di üçin äh­li za­da ta­ýyn­dy­gy, hat­da özü­ni gur­ban et­mä­ge hem hä­zir bol­jak­dy­gy be­ýan edil­ýär. Bu bol­sa şol hä­si­ýet­le­riň enä­niň asyl ýa­ra­dy­ly­şyn­da goý­lan hä­si­ýet­ler­di­gi­ni gör­kez­ýär. Hormatly Prezidentimiz bu aja­ýyp ro­wa­ýa­ta ýüz­len­mek bi­len ene­le­riň ýa­ra­dy­ly­şy bo­ýun­ça kä­mil­dik­le­ri­ni, öz per­zent­le­ri­ne bo­lan uçur­syz söý­gä, tü­ke­nik­siz mä­hir-mu­hab­be­te, soň­suz je­pa­keş­li­ge eýe­dik­le­ri­ni açyp gör­kez­mek is­le­ýär. Eser­de hor­mat­ly Pre­zi­den­ti­miz: «Adam og­ly nä­hi­li güýç­li, paý­has­ly, eder­men bo­laý­syn, ol özü­ni dün­ýä in­de­ren, ji­ge­rin­den jan be­ren ynsa­nyň öňün­de in­di ke­ma­la gel­me­li, he­mi­şe go­ral­ma­ly ça­ga my­sa­ly­dyr. Çün­ki enä­niň perzen­di­ne bo­lan söý­gü­si­niň or­nu­ny tu­tup bil­jek gud­rat he­niz ja­ha­na inen däl­dir» diý­mek bi­len, ene mu­kad­des­li­gi­ne, ene söý­gü­si­ne dün­ýä­dä­ki iň be­ýik, iň yg­ty­bar­ly, iň ynam­dar zat hök­mün­de ba­ha ber­ýär, enä bo­lan uçur­syz sar­pa­sy­ny äş­gär ed­ýär.
Maş­ga­la bin­ýa­dy­nyň berk bol­ma­gy, onuň he­mi­şe abat sak­lan­ma­gy ba­bat­da ene­le­riň ägirt uly, baş­ga hiç bir zat bi­len çal­şy­ryp bol­ma­jak hyz­ma­ty aý­dyň bol­ýar. Maş­ga­la­ny aba­dan sak­la­mak, Wa­ta­na, il-gü­ne ha­ýyr­ly ogul-gyz­la­ry ýe­tiş­dir­mek­de türk­men ze­nan­la­ry akyl zäh­me­ti­ni hem, el zäh­me­ti­ni hem gaý­gyr­man­dyr­lar, el­le­ri keş­de çe­kip, gaý­ma ga­ýa­sa, dil­le­rin­de hüw­di, na­kyl, er­te­ki ýa­ly öz per­zent­le­ri­ne ha­lal­ly­gy, dog­ru­çyl­ly­gy, zäh­met­sö­ýer­li­gi, mer­da­na­ly­gy, wa­tan­çy­ly­gy öw­red­ýän eser­ler ýaň­la­nyp­dyr.

Dja­net Hu­daý­ku­ly­ýe­wa,
Türk­me­na­bat Hal­ka­ra ho­wa men­zi­li­niň res­mi
we­ki­li­ýet­le­re hyz­mat ediş gul­lu­gy­nyň uly agen­ti.

Gyzykly bolup bilerЕЩЕ ОТ АВТОРА