Meşhur aktýor Saşa Baron Koeniň baş keşpde surata düşen “Borat” atly filminiň ikinjisi Ginnesiň rekordlar kitabyna adyny ýazdyrdy. “Borat 2” doly ady – Borat Subsequent Moviefilm: Delivery of Prodigious Bribe to American Regime for Make Benefit Once Glorious Nation of Kazakhstan bolan kino Oskara dalaşgär görkezilen iň uzyn atly film hökmünde hasaba alyndy. Filmiň ady iňlis dilindäki harplaryň 110-syndan ybarat bolup, kino iň gowy adaptirlenen ssenariý hem-de ikinji plandaky iň gowy aktrisa baýraklaryna dalaşgär görkezilipdi. Bu ugurda ozalky rekord 1965-nji ýylda surata düşürilen 85 harpdan ybarat bolan “Those Magnificent Men in Their Flying Machines or How I Flew from London to Paris in 25 Hours 11 Minutes” atly iňlis kinosyna degişlidi.
