Braziliýa samba bilen başlady, Argentina Çili bilen duşuşar

Günorta Amerika yklymynyň çempionaty Kopa Amerika ýaryşyna badalga berildi. Braziliýada geçirilýän çempionata ýer eýeleri Braziliýanyň ýygyndysy üstünlik başlady. Sambaçylar paýtagt Brasiliada oýnalan duşuşykda Wenesuelanyň ýygyndysyndan 3-0 üstün çykdy. Olara ýeňiş getiren gollary Markinios (23), Neýmar (64 p) hem-de Gabriel Barbosa (89) derwezä girizdi.

Toparçanyň beýleki duşuşygynda-da Kolumbiýanyň ýygyndysy Ekwadordan Kardonanyň ýeke-täk goly bilen 1-0 hasabynda üstün çykdy.

Kopa Amerikada “A” toparçanyň çäginde şu gije Argentina bilen Çiliniň (02:00), Paragwaý bilenem Boliwiýanyň (05:00) ýygyndylary duşuşarlar.