Ýewropa çempionatynda “D” toparçanyň oýunlary tamamlandy. Futbolyň watany Angliýanyň ýygyndysy Wembley-de Çehiýany Rahim Sterlingiň 12-nji minutdaky ýeke-täk goly bilen 1-0 utup, toparçada birinji orny eýeledi. 3 oýunda 2 gol geçirip, 7 utuk toplan Angliýanyň ýygyndysy iň az gol bilen 2-nji tapgyra çykan ýygyndy boldy. Bu ýeňişden soň Angliýanyň ýygyndysy nobatdaky tapgyrda-da Wembley-de duşuşar. Onuň indiki garşydaşy “F” toparçanyň, ýagny ölüm toparçasynyň wekili bolar. Bu toparçada 2-nji ýeri eýelejek ýygyndy 1/8 finalda Angliýa bilen duşuşar. Angliýanyň ýygyndysy Fransiýadyr Germaniýanyň ýa-da Portugaliýanyň belki-de Wengriýanyň ýygyndysy bilen güýç synanyşar. Häzirki wagtda nemesler bu ugurda öňde görünýär.
“D” toparçada 2-nji ýeri Horwatiýanyň ýygyndysy eýeläp, Dünýä Kubogynyň wise-çempiony 3-nji duşuşygynda Şotlandiýany Wlaşiçiň, Modriçiň, Perişiçiň gollary bilen 3-1 hasabynda ýeňdi. 3-nji duşuşykdan ozal toparçada 1-nji orunda bolan çehler 3-nji ýer ýer bilen oňňut etmeli boldy. Horwatlar 1/8 final “E” toparçanyň ikinjisi bilen duşuşar. Çehleriň indiki garşydaşy-da ýa Niderlandlar ýa-da “E” toparçanyň ýeňijisi bolar.
