ABŞ-nyň tä­ze saý­la­nan Pre­zi­den­ti Do­nald Tramp 2017-nji ýy­lyň 20-nji ýan­wa­ryn­da ka­sam ka­bul edip, res­mi taý­dan tä­ze we­zi­pe­si­ne gi­ri­şer. ABŞ-nyň meş­hur we dün­ýä bel­li “The Wall Street Jo­ur­nal” ga­ze­ti ýur­duň no­bat­da­ky döw­let Baş­tu­ta­ny bi­len söh­bet­deş bol­dy. Şon­da ol we­zi­pe­si­niň il­kin­ji hep­de­sin­de ama­la aşyr­jak mak­sat­la­ry ba­ra­da du­rup geç­di.
Do­nald Tramp şu ýy­lyň 8-nji no­ýab­ryn­da­ky saý­law­da ýe­ňiş ga­zan­dy. Saý­law we­kil­le­ri­niň res­mi ses ber­mek çä­re­si 19-njy de­kabr­da ge­çi­ri­ler we 2017-nji ýy­lyň 6-njy ýan­wa­ryn­da ýur­duň Kong­re­si onuň ne­ti­je­le­ri­ni tas­syk­lar. Tä­ze saý­la­nan Pre­zi­den­tiň ka­sam ka­bul ediş da­ba­ra­sy 20-nji ýan­war­da ge­çi­ri­ler.
Do­nald Tramp döw­let baş­tu­ta­ny we­zi­pe­si­ne gi­ri­şen­den soň­ra sag­ly­gy go­ra­ýyş ul­ga­my­ny has-da kä­mil­leş­dir­mek, tä­ze iş orun­la­ry­ny dö­ret­mek, ser­het­de howp­suz­ly­gy ber­kit­mek, sal­gyt ul­ga­myn­da öz­gert­me­ler mak­sat­na­ma­la­ry­ny dur­mu­şa ge­çir­mek ýa­ly iş­le­ri ama­la aşyr­ma­gy mak­sat edin­ýän esa­sy we­zi­pe­le­ri­niň ha­ta­ryn­da gör­kez­di.
Mun­dan baş­ga-da ol tä­ze we­zi­pe­si­niň il­kin­ji hep­de­sin­de ma­li­ýe ins­ti­tut­la­ry­nyň iş­le­ri­ne se­ret­me­gi göz öňün­de tut­ýan­dy­gy­ny mä­lim et­di. Şeý­le hem ol ýur­duň ser­he­di­niň howp­suz­ly­gy me­se­le­si ba­ra­da ha­sa­bat al­jak­dy­gy­ny bel­läp geç­di.
Do­nald Tramp tä­ze iş orun­la­ry­nyň dö­re­dil­me­gi bi­len bag­la­ny­şyk­ly me­se­le ba­ra­da du­rup ge­çip, tu­tuş ýurt de­re­je­sin­de inf­rast­ruk­tu­ra tas­la­ma­la­ry­ny dur­mu­şa ge­çir­mek ar­ka­ly bu me­se­lä­ni çöz­me­gi mak­sat edin­ýän­di­gi­ni aýt­dy. Şol bir wagt­da hal­ka­ra söw­da yla­la­şyk­la­ry­nyň dur­mu­şa ge­çi­ri­li­şi­ni çalt­lan­dyr­jak­dy­gy­ny ha­bar ber­di.
Ak Ta­myň tä­ze ýol­baş­çy­sy Rus­si­ýa­nyň Pre­zi­den­ti Wla­di­mir Pu­tin bi­len te­le­fon ar­ka­ly söh­bet­deş­lik ge­çir­di. Rus Li­de­ri ABŞ-nyň saý­la­nan Pre­zi­den­ti Do­nald Tram­py ýe­ne-de bir ge­zek gut­lap, iki ýur­duň ara­syn­da­ky deň­hu­kuk­ly­lyk, bi­rek-bi­re­ge hor­mat goý­mak ýö­rel­ge­le­ri esa­syn­da al­nyp ba­ryl­ýan iki­ta­rap­la­ýyn gat­na­şyk­la­ry mun­dan beý­läk-de ber­kit­mä­ge taý­ýar­dyk­la­ry­ny mä­lim et­di.

Gyzykly bolup bilerЕЩЕ ОТ АВТОРА