ABŞ-nyň aerokosmos edarasynyň “Curiosity” enjamy Marsyň täze suratyny iberdi. 2012-nji ýylda Gyzyl planeta iberilen alty tigirli marsahodyň iberen suratyndaky toýun gaýalar bu ýerde irki döwürlerde suwuň bolandygyny aňladýar. Suratda şu ýylyň tomus aýlarynda planetada ýeliň turmagyna sebäp bolan tozan bölejikleri hem bar. NASA suratyň geçen aý düşürilendigini mälim etdi. Enjamdaky ýadro ýangyjy onuň gije-gündiz işlemegine mümkinçilik berýär. Ýagny “Curiosity” gaýry planetalardaky we asman jisimlerindäki beýleki enjamlar ýaly Gün şöhlesinden zarýad almaga zerurlyk duýmaýar.
