Türkmenistanyň Telewideniýe, radiogepleşikler we kinematografiýa baradaky döwlet komiteti isleg bildirýänleri şu ýyl gurlan binagärlik desgalary hakynda iň gowy film ýa-da wideorolik bäsleşigine gatnaşmaga çagyrýar.
Mukaddes Garaşsyzlygymyzyň 30 ýyllygynyň baýram edilmegi mynasybetli ýurtda 50-den gowrak täze bina, şol sanda hökümet münberi, «Arkadag» kaşaň myhmanhanasy, häzirkizaman seýilgähleri, köpugurly «Aşgabat» söwda we dynç alyş merkezi we birnäçe binalar ulanmaga berildi.
Bäsleşige gatnaşýanlar iri senagat we medeni desgalaryň açylyş dabaralarynyň pursatlaryny beýan etmek, 2021-nji ýylyň dowamynda bolup geçen uly göwrümli gurluşyk özgerişlerini beýan etmelidirler.
Ýeňijiler aşakdaky ugurlar boýunça kesgitlener:
– bäsleşigiň baş baýragy;
– bäsleşigiň eminler toparynyň baýragy;
– iň gowy režissýorlyk işi;
– iň gowy operatorlyk işi;
– iň gowy saz bezegi;
– iň gowy montaž bezegi.
Bäsleşik 2021-nji ýylyň 4-nji noýabryndan 15-nji dekabry aralykda geçirilýär. Habarlaşmak üçin telefonlar: 44-22-12; 44-24-03.
