Ylmy tema bagyşlanan “Science” žur­naly paýawlaýan 2016-njy ýylyň has äh­mi­ýetli açyşlarynyň sanawyny neşir etdi. Neşiriň hü­närmenleriniň pikirine görä, olaryň iň esasysy gra­witasion tolkunlaryň ýüze çykarylmasydyr. Öz bar­laglarynda LIGO detektoryny ulanan alymlar toparyna şeý­le tolkunlary ýüze çykarmak başartdy. “Science” žurnalynyň redaksiýasy grawitasion tol­kun­laryň açylmagyny uzak we agyr zähmetden soň­ra başa baran ylmy üstünlik hasaplaýar.
Žurnalyň maglumatlaryna görä, hatda Eýnşteýn hem şunuň ýaly tolkunlaryň bardygy ýa-da boş düşünjedigi hakda ikirjiňlenipdir. Ol “Şeýle tolkunlar bar hem bolsa, olary ýüze çykarmak aňsat başartmaz” diýip aýdypdyr.
Grawitasion tolkunlaryň ýeke-täk çeşmesi wagtyň giňişliginde ujypsyz yrgyldylary emele getirýän jübüt ýyl­dyz­lar bolup durýar. Häzir onuň üsti açylyp, gelejekde kosmosy özleşdirmekde täze ugurlary açmaga ýardam berjek grawitasion tolkunlaryň has çuň­ňur barlaglary amala aşyrylar.

Gyzykly bolup bilerЕЩЕ ОТ АВТОРА