UEFA Çempionlar Ligasynda “B” toparçada Atletiko dartgynly geçen oýunda myhmançylykda Portodan 3-1 üstün çykdy. Dargtynly we çekeleşikli geçen oýunda ispanlar 56-njy minutda Antuan Grizmann bilen öňe saýlandy. Şondan soň oýunda 67-nji minutda Atletikodan Karrasko, 70-nji minutda Portodan Wendell, şeýle-de 75-nji minutda ýene-de Portodan ätiýaçda oturan Markesin gyzyl kart aldy. Oýnuň 90-njy minutynda Anhel Korrea, 90+2-nji minutynda De Paul hasaby 3-0-a çykardy. 90+6-njy minutdaky Serhio Oliweiranyň penalti goly Porto üçin ýeterlik bolmady. Şeýlelikde, 6-njy oýunlardan öň toparçada 4-nji orny eýelän Atletiko soňky duşuşykda ýeňiş gazanyp, 1/8 finala çykmagy başardy. Porto ýoluny Ýewropa Ligasynda dowam eder.
